Tags-Ishq

nazar nazar se milāo hijāb kyā ma.anī
niyāz-e-ishq se ye ijtināb kyā ma.anī

ahl-e-ishq kī hastī kyā ajiib hastī hai
marg-e-nā-gahānī ko zindagī tarastī hai

jis jagah mohabbat se husn-o-ishq milte haiñ
kaun sī vo duniyā hai kaun sī vo bastī hai

ham ne ishq-o-ulfat meñ vo fareb khaa.e haiñ
jin kī dil-farebī ko zindagī tarastī hai

sadqe āsmāñ-jāhī tere ḳhāksāroñ par
rashk-e-sad-bulandī hai ishq meñ jo pastī hai

tauba tauba tauba haa.e
ishq baḌā man-mānī hai

tere ishq kī havā chale
apnī ḳhaak uḌānī hai

albatta kare man.a hameñ ishq-e-butāñ se
tujh sā jo koī aql se ma.azūr ho ai shaiḳh

fanā-e-ishq ho kar zinda-e-jāved hotā hai
miTā kar dekhiye hastī nahīñ miTtī hai insāñ kī

go burā hai dil magar rahne diyā hai is liye
ishq kī ḳhūgar tabī.at hai kabhī kaam aa.egā

ishq-e-dil kāmil nahīñ dekho abhī kholo na zulf
said jab shahbāz hai kyūñkar na tah-e-dām aa.egā

donoñ āñkheñ dil-jigar haiñ ishq hone meñ sharīk
ye to sab achchhe raheñge mujh par ilzām aa.egā

kaun sī jā hai jahāñ husn kā shohrā na huā
ishq bechāra kahāñ dahr meñ rusvā na huā

ishq dariyā hai koī jis kā kinārā na huā
nāḳhudā koī nahīñ koī safīna na huā

kyoñ na anjām-e-tamannā se sañvar jaa.e dil
ishq kī raah meñ kab ḳhūn-e-tamannā na huā

mujh se namāz-e-ishq mukammal nahīñ huī
kis muñh se maiñ kahūñ ki ḳhudā meñ lagā rahā

chaman ke ishq meñ ahl-e-vafā ye bhuul ga.e
badal ga.ī jo chaman kī fazā to kyā hogā

vo raat aa.e ki sar terā le ke baazū par
tujhe sulā.ūñ bayāñ kar ke maiñ fasāna-e-ishq

mujhe ishq rakhtā hai sar-nigūñ mirā jaal pūchho na kyā kahūñ
maiñ habāb-e-bahr kā shīsha huuñ mire TūTne kī sadā nahīñ

kuchh lutf ishq kā na milā jīte-jī 'munīr'
nāhaq kā rañj muft kā ilzām le gayā