Tags-Ishq

yā-rab ye maqām-e-ishq hai kyā go dīda-o-dil nākām nahīñ
taskīn hai aur taskīn nahīñ ārām hai aur ārām nahīñ

ishq aur gavārā ḳhud kar le be-shart shikast-e-fāsh apnī
dil kī bhī kuchh un ke sāzish hai tanhā ye nazar kā kaam nahīñ

shab sham.a par patañg ke aane ko ishq hai
us dil-jale ke taab ke laane ko ishq hai

sar maar maar sañg se mardāna jī diyā
farhād ke jahān se jaane ko ishq hai

uThiyo samajh ke jā se ki mānind-e-gard-bād
āvārgī se terī zamāne ko ishq hai

bas ai sip.har sa.ī se terī to roz-o-shab
yaañ ġham satāne ko hai jalāne ko ishq hai

baiThī jo teġh-e-yār to sab tujh ko khā ga.ī
ai siine tere zaḳhm uThāne ko ishq hai

ik dam meñ tū ne phūñk diyā do-jahāñ ke tiiñ
ai ishq tere aag lagāne ko ishq hai

saudā ho tab ho 'mīr' ko to kariye kuchh ilaaj
us tere dekhne ke divāne ko ishq hai

phir vo nahā.e araq-e-sharm meñ
kis ne mire ishq kā charchā kiyā

jin jin ko thā ye ishq kā āzār mar ga.e
aksar hamāre saath ke bīmār mar ga.e

ghabrā na 'mīr' ishq meñ us sahal-e-zīst par
jab bas chalā na kuchh to mire yaar mar ga.e

sach to ye hai 'majāz' kī duniyā
husn aur ishq ke sivā kyā hai

mansab-e-ishq se kuchh ohda-barā maiñ hī huā
tere kūche meñ sarafarāz-e-vafā maiñ hī huā

fitrat ne de ke ishq ko ehsās-e-zabt-e-shauq
uljhā diyā hai kashmakash-e-lā-zavāl meñ

mujh se dekhā na gayā terā pareshāñ honā
ishq kī baazī samajh-būjh ke haarī maiñ thī

maiñ aur tere band-e-qabā kī hadīs-e-ishq
nā-dīda ḳhvāb-e-ishq ka.ī be-raqam ga.e

ishq kī azmateñ bajā lekin
ishq hī maqsad-e-hayāt nahīñ

fazā kā zarra zarra ishq kī tasvīr thā kal shab jahāñ maiñ thā
maiñ ḳhud apnī nazar meñ sāhib-e-tauqīr thā kal shab jahāñ maiñ thā

'nātiq' ḳhayāl-e-ishq bajā fikr-e-aish raast
kis vahm meñ paḌā hai ye donoñ baham ġhalat