Tags-Ishq

kyā ishq thā jo bā.is-e-rusvā.ī ban gayā
yaaro tamām shahr tamāshā.ī ban gayā

ishq tak apnī dastaras bhī nahīñ
aur dil mā.il-e-havas bhī nahīñ

kūdkī sī mere sar par ishq-e-gesū hai savār
chob kī badlī banātā thā maiñ ghoḌā saañp kā

naġhma ke soz se ayaañ dil kā gudāz ho gayā
laakh chhupāyā jazb-e-ishq faash ye raaz ho gayā

be-kaif be-nashāt na thī is qadar hayāt
jiinā agarche ishq meñ āsāñ na thā kabhī

is māh-e-chārdah kā chhape ishq kyūñke aah
ab to tamām shahr meñ mash.hūr ho gayā

ishq minnat-e-kash-e-qarār nahīñ
husn majbūr-e-intizār nahīñ

kār-e-junūñ kī hālateñ, kār-e-ḳhudā ḳhayāl kar
ishq kā maiñ javāb huuñ, aur koī savāl kar

lauh-o-qalam ke farz par, merā ye ishq qarz hai
us ne to merī ḳhaak bhii, rakhī nahīñ sambhāl kar

koī aa.e yā na aa.e farq kyā hai ishq meñ
husn kī yādoñ se raushan dil kā kāshāna rahe

zauq pe shauq pe miT jaane ko tayyār uThā
ishq kā dard liye phir tirā bīmār uThā

ishq jab ham ko āzmā.egā
apnī tārīḳh bhuul jā.egā

manzil-e-ishq tak na pahuñchā aah
maiñ to chalte hī chalte haar gayā

kyā isī meñ hī ishq pinhāñ thā
ik nigah vo bhī sarsarī huī thī

ishq kī aag ai ma.āz-allāh
na kabhī dab sakī dabāne se

ishq hai apnī vafāoñ se bhī sharmāyā huā
aql hai apnī ḳhatāoñ par bhī itrā.ī huī

bad-duā kab thī magar haañ mujhe aayā thā ḳhayāl
ishq jis se hai use vo bhī kisī kā ho jaa.e

zarā sī baat pe maiñ tum se ruuTh jaatā huuñ
ye mere ishq kā iz.hār hai nahīñ hai kyā

ajab kuchh ishq kī ḳhush-tar hai vaadī
ki jis vaadī meñ hai har vaqt shādī

koī tamannā koī masarrat dil ke qarīb aane hī na dī
kis ne kī hai ishq meñ yaaro ġham se mohabbat ham se ziyāda