Tags-Ishq

lahū to ishq ke āġhāz hī meñ jalne lagtā hai
magar hoñToñ tak aatā hai dhuāñ āhista āhista

haDDiyāñ jism meñ jaltī haiñ palīte kī tarah
ishq ke ism-e-jalālī kī ye tāsīreñ haiñ

vaqār-e-ishq bas ab sar jhukā de qadmoñ par
udhar se tere liye sabqat-e-salām huī

jab bhī kartā hai ishq kī bāteñ
vāris-e-shash-jihāt kartā hai

dil kabāboñ meñ kaun kachchā hai
ishq kī aag kyuuñ chaTaktī hai

terā dīvāna 'hazīñ' mansūb kartā hai ba-shauq
ye ġhazal ai ishq terī fitrat-e-ālī ke naam

tire ishq meñ koī jaañ bhī le to bhī jān-e-jāñ
maiñ yahī kahūñgā ki haq adā nahīñ ho sakā

jaise har ik nafas nafas nok-e-sināñ liye hue
ishq kā ḳhvāb dekh le ishq kī zindagī na dekh

avval-e-ishq kī saa.at jā kar phir nahīñ aa.ī
phir koī mausam pahle mausam sā nahīñ dekhā

zindagī ishq-o-mohabbat se javāñ hotī hai
varna be-kaif sī be-tāb-o-tavāñ hotī hai

ishq kī lau se jo raushan rag-e-jāñ hotī hai
sham.a ban jaatī hai be-ishq dhuāñ hotī hai

ibtidā-e-ishq meñ sarsabz bāġhāt-e-ḳhayāl
intihā-e-ishq meñ ābād dohrāne mile

dozaḳh pe kyuuñ na ho dil-e-'bīmār' tāna-zan
ātish se ishq kī hai patiñgā yahāñ girā

ai ishq agar mujh ko tirā izn ho mumkin
āġhosh meñ le luuñ tire paikar kī mahak bhī

kisī lāshe pe ye bād-e-sabā kahtī huī guzrī
shahīd-e-ishq hai is ke lahū ko taaza kahte haiñ

abhī to ishq meñ aisā bhī haal honā hai
ki ashk roknā tum se muhāl honā hai

gulshan-e-ishq kā tamāshā dekh
sar-e-mansūr phal hai daar daraḳht

pūchhte kyā ho mire tum dil-e-dīvāne se
ishq ke ramz ko pūchho kisī farzāne se

vo ishq nahīñ hai bul-havasī jo vasl kī chāhat kartā hai
baaqī hai farāsat ab tak bhī itnī to tire dīvāne meñ

mimbar-e-ishq se taqrīr kī ḳhvāhish hai hameñ
dil ko is vāste maulānā banā rakkhā hai