Tags-Ishq

mere jiine kā ye uslūb pata detā hai
ki abhī ishq meñ kuchh kaam haiñ karne vaale

jāda-e-ishq meñ gir gir ke sambhalte rahnā
paañv jal jaa.eñ magar aag pe chalte rahnā

naġhma-e-ishq na ho ek hī dhun par qaa.im
vaqt ke saath zarā raag badalte rahnā

ye ishq jis kā shor hai aalam meñ haiñ hamīñ
ye husn ham haiñ jis kī ye sab dhuum dhaam hai

jo kushtagān-e-ma.arka-e-teġh-e-ishq haiñ
un ke liye ye ālam-e-hastī davām hai

ishq duniyā pe ināyāt kiye jaatā hai
kis ko karne haiñ ye sab qarz adā mere ba.ad

ye ishq nahīñ āsāñ itnā hī samajh liije
ik aag kā dariyā hai aur Duub ke jaanā hai

Tuk qais ko chheḌ-chhāḌ kar ishq
lipTā mujhe panje jhaaḌ kar ishq

ḳham Thoñk mirī huā muqābil
farhād ko duuñ pachhāḌ kar ishq

aayā kaj o vā-kaj is taraf ko
vāmiq kā ghar ujaaḌ kar ishq

be-fauj-e-sarishk o parcham-e-āh
jhapTā yuuñ bhīḌ-bhāḌ kar ishq

al-qissa sabhoñ ke ho muqābil
pahuñchā ab ham ko taaḌ kar ishq

tā-dāman-e-koh kheñch laayā
jañgal meñ unhoñ ko gaaḌ kar ishq

ham ishq allāh bole to bhī
chiñghāḌ ke aa.e phaaḌ kar ishq

hai hai 'inshā' hamāre dil ko
be-tarah gayā latāḌ kar ishq

ab mujrimān-e-ishq se baaqī huuñ ek maiñ
ai maut rahne de mujhe ibrat ke vāste

'bedār' rāh-e-ishq kisī se na tai huī
sahrā meñ qais koh meñ farhād rah gayā

ḳhabar-e-tahayyur-e-ishq sun na junūñ rahā na parī rahī
na to tū rahā na to maiñ rahā jo rahī so be-ḳhabarī rahī

vo ajab ghaḌī thī maiñ jis ghaḌī liyā dars nusḳha-e-ishq kā
ki kitāb aql kī taaq par juuñ dharī thī tyuuñ hī dharī rahī