Tags-Ishq

sitam ye hai ki un kā jaur-e-paiham kam nahīñ hotā
mizāj-e-ishq is par bhī kabhī barham nahīñ hotā

tumhārā ishq jise ḳhaak meñ milātā hai
isī kī ḳhaak se phir phuul bhī khilātā hai

kahāñ bujhā.e se bujhte haiñ ishq ke sho.ale
charāġh yuuñ to jo jaltā hai bujh bhī jaatā hai

ishq elaan se pahle thā 'shanāvar' kyā chiiz
husn iz.hār-e-ḳhayālāt se pahle kyā thā

ishq meñ haar ke ma.anī hī badal jaate haiñ
tujh ko mālūm nahīñ hai abhī qātil mere

ishq meñ maut kā naam hai zindagī
jis ko jiinā ho marnā gavārā kare

muttasil tū jo mirā ḳhūn-e-jigar piitā hai
kyuuñ ġham-e-ishq ye kyā tujh ko mazedār lagā

falsafe ishq meñ pesh aa.e savāloñ kī tarah
ham pareshāñ hī rahe apne ḳhayāloñ kī tarah

ishq kyā hai bebasī hai bebasī kī baat kar
ye bhī koī zindagī hai zindagī kī baat kar

az-bas-ki us ke zahr pe ġhālib hai zahr-e-ishq
mar jaave hai vahīñ tire āshiq ko kaaT saañp

ārām se haiñ aur sabhī log jahāñ meñ
ham ishq ke māroñ ko hī ārām nahīñ hai

kyoñ ho lāhaq mujhe pashemānī
ishq karnā to koī bhuul nahīñ

saudā-e-ishq aur hai vahshat kuchh aur shai
majnūñ kā koī dost fasāna-nigār thā

huī hai bā.is-e-tuġhyān-e-ishq garmi-e-husn
jale na sham.a to kyuuñ ghir ke aa.eñ parvāne

kohkan kyā pahāḌ toḌegā
ishq ne zor-āzmā.ī kī

tirā ishq ban gayā hai mirī ziist kī masāfat
ki maiñ ab jahāñ bhī jā.ūñ tirī rahguzār aa.e

tire ishq kī badaulat koī rañj ho ki rāhat
sar-e-zindagī jo aa.e sabhī yādgār aa.e

jaañ khapāte haiñ ġham-e-ishq meñ ḳhush ḳhush 'ālī'
kaisī lazzat kā ye āzār banāyā huā hai

ishq kahte haiñ sab jise ham se
vo gunāh-e-hasīñ huā hī nahīñ

nazreñ to milātī thiiñ un se kuchh baat na thī ghabrāne kī
ai ishq magar ham chuuk ga.e ye choT thī dil par khāne kī