Tags-Ishq

'hafīz' sab se baḌī ḳharābī hai ishq meñ lutf-e-kām-yābī
kisī kī duniyā tabāh kar de kisī kī uqbā ḳharāb kar de

sharāb-e-ishq faqat ik zarā sī chakkhī thī
baḌā surūr ghuTā muddatoñ ḳhumār rahā

mashrab-e-ishq meñ dilā kufr hai yaar se riyā
jab ki butoñ kā dhyān ho zikr-e-ḳhudā kī vaj.h kyā

ye kāvish-e-ġham-e-pinhāñ hai ishq kā hāsil
ravā nahīñ tirī furqat meñ ārzū-talabī

ai ishq bahut tū ne to dekhā hai zamāna
mujh sā bhī koī be-sar-o-sāmāñ nazar aayā

ab vo ik soz-e-nihānī bhī diloñ meñ na rahā
ab vo jalve bhī nahīñ ishq ke kāshānoñ meñ

ab tirā kaam hai bas ahl-e-vafā kā paanā
ab tirā naam hai bas ishq ke ġham-ḳhānoñ meñ

jā-e-roġhan diyā kare hai ishq
ḳhūn-e-bulbul charāġh meñ gul ke

sunte haiñ ishq kā bāzār bahut garm hai phir
qīmat-e-husn zarā aur baḌhā dī jaa.e

muskurāte hue sar siine pe rakh kar bole
maraz-e-ishq hai lāzim hai davā dī jaa.e

duniyā meñ use aish-o-masarrat na mileñge
vo dil jo ġham-e-ishq se ranjūr nahīñ hai

zunnār Daalā tasbīh phīkī
ishq-e-sanam meñ allāh bhūlā

ishq mahkūm sahī bekas-o-majbūr sahī
husn tanhā bhī huā hai asar-andāz kahīñ

hayāt-e-ishq kā hāsil the bas vahī lamhe
jo terī anjuman-e-nāz meñ guzār chale

jo samajh meñ aa.e vo baat kyā ye muāmalāt haiñ ishq ke
ki naqāb ruḳh pe rahe magar hai yaqīn ye vahī yaar hai

aarzū rakhnā mohabbat meñ baḌā mazmūm hai
sun ki tark-e-ārzū hī ishq kā mafhūm hai

un nigāhoñ ke tasādum se jo chiñgārī uThe
ishq us kā naam hai ye ishq kā mafhūm hai

ishq phir mahrūmiyāñ nākāmiyāñ barbādiyāñ
merī qismat meñ jo likkhā hai mujhe ma.alūm hai

ishq meñ 'tālib' matā-e-hosh kho kar ḳhush to ho
us kā jo anjām hai vo bhī tumheñ ma.alūm hai