Tags-Ishq

hai ek ishq se aamez rāste kā safar
zarā sī duur ba-tarz-e-nibāh thoḌī hai

jazā-sazā se kahīñ māvarā hai merā amal
ye kār-e-ishq musalsal gunāh thoḌī hai

rishta bahāl kaash phir us kī galī se ho
jī chāhtā hai ishq dobāra usī se ho

ye visāl-o-hijr kī bahs kyā ki ajiib chiiz hai ishq bhī
tujhe pā ke hai vahī dard-e-dil vahī rañg-e-zaḳhm-e-jigar bhī hai

ye nasīb-e-ishq kī gardisheñ ki zamāñ makāñ se guzar ke bhī
vahī āsmāñ vahī shām-e-ġham vahī shām-e-ġham kī sahar bhī hai

na rahā hayāt kī manziloñ meñ vo farq-e-nāz-o-niyāz bhī
ki jahāñ hai ishq barahna-pā vahīñ husn ḳhāk-basar bhī hai

vo ġham-e-firāq bhī kaT gayā vo malāl ishq bhī miT gayā
magar aaj bhī tire haath meñ vahī āstīñ hai ki tar bhī hai

vahī dard bhī hai davā bhī hai vahī maut bhī hai hayāt bhī
vahī ishq nāvak-e-nāz hai vahī ishq sīna-sipar bhī hai

na ġham-e-azāb-o-savāb se kabhī chheḌ fitrat-e-ishq ko
jo azal se mast-nigāh hai use nek-o-bad kī ḳhabar bhī hai

na ehtiyāt koī kaam aayā ishq ke saath
jo rog dil meñ chhupā thā vo kaam kar bhī gayā

ye kyā ma.alūm thā ye ishq saudā.ī bānegā
kahīñ Taltī hai aane vaalī aafat aa hī jaatī hai

junūn-e-ishq meñ har chand kuchh ġhairat nahīñ lekin
jo koī taan kartā hai hamīyat aa hī jaatī hai

ḳhush ho ai ishq ki phir husn huā mā.il-e-nāz
muzhda ai jins-e-mohabbat ki ḳharīdār aayā

badan dar badan ishq rūh-e-ravāñ
zamāñ dar zamāñ ek Dharrā sahī

jiite haiñ naam ko vagarna ham
ishq meñ jī khapā.e baiThe haiñ

kitāb-e-ishq ke jo mo'atabar risāle haiñ
unhīñ meñ husn ke kuchh mustanad havāle haiñ

tū āshiq hai vafā terā hunar hai ishq meñ varna
mirā gul be-vafā hai kyā ise qadr-e-vafā bulbul

us se yahī kahtā huuñ vājib ehtirām-e-ishq hai
andar se ye ḳhvāhish hai vo jaisā kahe vaisā karūñ

ḳhush agar apnī ḳhatāoñ pe ho tum to ham bhī
mānñe vaale abhī ishq kī tāsīr ke haiñ

kab tumheñ ishq pe majbūr kiyā hai ham ne
ham to bas yaad dilāte haiñ chale jaate haiñ