Tags-Ishq

dil ke miT jaane se josh-e-ishq ghaT saktā hai kyā
dil se kyā matlab ki ye saudā to mere sar meñ hai

kyā fā.eda hai dāva-e-ishq-e-husain se
sar meñ agar vo shauq-e-shahādat nahīñ rahā

mire jurm-e-ishq kī is qadar mujhe ai nadīm sazā na de
mire dil pe itnī jafā na kar mujhe yuuñ nazar se girā na de

hai ḳhamosh ātish-e-zindagī magar ik sharar tire ishq kā
mire dil meñ ab bhī chamak rahā hai use bhī yaas bujhā na de

ishq mere gumān meñ yārāñ
dil kī ik zor āzmā.ī hai

gar phir bhī ashk aa.eñ to jānūñ ki ishq hai
huqqe kā muñh se ġhair kī jānib dhuāñ na chhoḌ

kashtī shikast-ḳhurda-e-dariyā-e-ishq haiñ
jaate haiñ tirte Dūbte tūfāniyoñ meñ ham

Daalā na bār-e-ishq zamīñ par 'baqā' ne yaar
sar se agar girā to liyā thaam dosh par

kyā kohkan kī koh-kanī kyā junūn-e-qais
vādī-e-ishq meñ ye maqām ibtidā ke haiñ

un bad-diloñ ne ishq ko bad-nām kar diyā
jo murtakib shikāyat-e-jaur-o-jafā ke haiñ

jab kuchh na banī ishq ne betāb banāyā
ḳhud ban gayā sho.ala mujhe sīmāb banāyā

sarmast-e-shahādat haiñ tire ishq meñ saaqī
āb-e-dam-e-ḳhanjar ko mai-e-nāb banāyā

āgāh kiyā ishq ne qānūn-e-vafā se
jab nāḳhun-e-shamshīr ko mizrāb banāyā

umr-bhar ishq ko ġham-dīda na rakkhe kyūñkar
hādisa vo ki abhī kal hī huā ho jaise

'at.har' tum ne ishq kiyā kuchh tum bhī kaho kyā haal huā
koī nayā ehsās milā yā sab jaisā ahvāl huā

kafan se dūsroñ ke jo silāte haiñ libās apnā
vo jazbe hañs rahe haiñ ishq-e-sāda kī lañgoTī par

sar se bāñdhā hai kafan ishq meñ tere ya.anī
jam.a ham ne bhī kiyā hai sar-o-sāmāñ yak jā

ishq ai husn be-basar hī sahī
ye haqīqat-nigar bhī hotā hai

haa.e tūl-e-hayāt-e-ishq 'sahāb'
koī lamha basar bhī hotā hai

jis meñ ishq aur havas kā koī jhagḌā hī nahīñ
ek sahrā to hai aisā mirī sultānī meñ