Tags-Ishq

husn marhūn-e-josh-e-bāda-e-nāz
ishq minnat-kash-e-fusūn-e-niyāz

sozish-e-dard-e-dil kise ma.alūm
kaun jaane kisī ke ishq kā raaz

ho chukā ishq ab havas hī sahī
kyā kareñ farz hai adā-e-namāz

kishvar-e-dil ab makān-e-dard-o-dāġh-o-yās hai
ishq ke hākim ne biThlā.e haiñ yaañ thāne ka.ī

lo bujhā chāhtā hai dil kā kañval
ḳhatm ab ishq kā fasāna hai

rishta bahāl kaash phir us kī galī se ho
jī chāhtā hai ishq dobāra usī se ho

ḳhvāhish hai pahuñchūñ ishq ke maiñ us maqām par
jab un kā sāmnā mirī dīvāngī se ho

duniyā ke saare kaam to karnā dimāġh se
lekin jab ishq ho to 'sikanndar' vo jī se ho

ishq us se bhī kiyā tum se bhī kar lete haiñ
bandagī yūñhī huī yūñhī huī jaatī hai

husn kā paañv dabātī hai jahāñ shoḳh havā
ishq le aayā hai mujh ko isī vīrānī tak

shu.ūr-e-ishq mile rū-e-dār raqs karūñ
haiñ mere paas bahāne hazār raqs karūñ

junūn-e-ishq meñ kab tan-badan kā hosh rahtā hai
baḌhā jab josh-e-saudā ham ne sar ko dard-e-sar jaanā

havas-bāzī nahīñ ye ishq-bāzī hai ḳhudā shāhid
mohabbat meñ hai shart-e-avvalīñ jī se guzar jaanā

miTā.ī apnī hastī ham ne ishq-e-jān-e-jānāñ meñ
fanā meñ dekh kar rañg-e-baqā ko mo'tabar jaanā

janāb-e-ḳhizr rāh-e-ishq meñ laḌne se kyā hāsil
maiñ apnā rāsta le luuñ tum apnā rāsta le lo

nahīñ āsān tark-e-ishq karnā dil se ġham jaanā
bahut dushvār hai chaḌhte hue tūfāñ kā tham jaanā

mujh ko shā.ir kahne vaalo maiñ kyā merī ġhazleñ kyā
maiñ ne to bas sarkār-e-ishq meñ kuchh parche guzrāne haiñ

chal na saktā thā kabhī ahl-e-havas kā jaadū
tujh ko ai dost koī ishq kā maarā na milā

dhyān tayyārī kā aayā hī nahīñ ham ko 'aqīl'
safar-e-ishq thā be-raḳht-e-safar chal paḌe the

kisī ke jaal meñ aa kar maiñ apnā dil gañvā baiThā
mujhe thā ishq qātil se maiñ apnā sar kaTā baiThā