Collections

Lab Shayari

Motivational Ghazals

Best Khamoshi Shayari

More Collections

Tags-Ishq

dil-o-jāñ kar ke fidā un ko banāyā apnā
ishq ke khel meñ jiit apnī huī haar ke ba.ad

humne phulon ko jo dekha lab-o-ruKHsar ke baad

ḳhud apne ishq kī rañgīniyoñ meñ gum ho jā
nahīñ kuchh aur agar ye to iḳhtiyār meñ hai

na sharh-e-shauq na taskin jaan-e-zar mein hai

ishq ko kuchh na de sakā ḳhairāt
husn ko bhī ġharīb dekhā hai

un ko apne qarib dekha hai

badnāmī se Darte ho abas ishq meñ ai 'barq'
kab tak bashar is baat kā charchā na kareñge

wahshat mein bhi ruKH jaanib-e-sahra na karenge

husn se ishq kī ḳhātir hai ḳhudā ne bhejā
karte haiñ 'ātish' use aa.e haiñ jis kaam ko ham

aaina-KHana karenge dil-e-nakaam ko hum

ye mohabbat kī hai qīmat ye mohabbat kā sila
ki hamāre hī liye ishq kā dastūr nahīñ

chashm-e-bina ho to qaid-e-haram-o-tur nahin

ishq aulād kar rahī hai magar
merā jiinā harām hotā hai

ishq aulad kar rahi hai magar

dil ne phir ishq kī tamannā kī
raah phir pur-ḳhatar chale aa.e

silsila KHatm kar chale aae

jo bharī mahfil meñ nazroñ kī huī hai guftugū
husn ko ma.alūm hai yā ishq ko ma.alūm hai

band hain dil ke dariche raushni madum hai

miTTī mirī ḳharāb huī rāh-e-ishq meñ
barbād kar ke un kī savārī nikal ga.ī

tirchhi nazar se dekhiye talwar chal gai

vo ik mazāq jise log ishq kahte haiñ
maiñ us mazāq kā jurmāna bhar ke aayā huuñ

buland-o-past ko hamwar kar ke aaya hun

mazā to jab hai ki 'injīl' hī lage sab ko
nuzūl-e-ishq pe jitnī bhī shā.irī huī hai

faza mein rang se bikhre hain chandni hui hai

achchhā hai ki sirf ishq kiije
ye umr to yuuñ bhī rā.egāñ hai

achchha hai ki sirf ishq kije

ḳhvāb sunñe se ga.e ishq batāne se ga.e
zindagī ham tirī tauqīr baḌhāne se ga.e

KHwab sunne se gae ishq batane se gae

khīñche to teġh hai haram-e-dil ke said par
ai ishq par bhalā tū mujhe maar dekhnā

be-wajh nain hai aaina har bar dekhna

'ravāñ' tū kahāñ aur kahāñ dard-e-ishq
tujhe kyā ye mard-e-ḳhudā ho gayā

wo KHush ho ke mujhse KHafa ho gaya

ishq meñ hijr-o-vasl be-ma.anī
kis liye tum malāl karte ho

mera kitna KHayal karte ho

Tuk tark-e-ishq kariye lāġhar bahut hue ham
aadhā nahīñ rahā hai ab jism-e-rañj-farsā

daman wasia tha to kahe ko chashm tarsa

mujhe bhī apne ehsās-e-vafā ko āzmānā hai
ba-zo.am-e-ishq afkār-e-pareshāñ le ke chaltā huuñ

tasawwur mein jamal-e-ru-e-taban le ke chalta hun

ishq kyā dard hai ḳhudāvandā
koī dārū-davā mufīd nahīñ

chur sadmon se ho baid nahin