Tags-Ishq

harīf-e-vahshat-e-nāz-e-nasīm-e-ishq jab aa.uuñ
ki misl-e-ġhuncha sāz-e-yak-gulistāñ dil muhayyā ho

jaltā huuñ maiñ aur sho.ale nahīñ dete dikhā.ī
hai ishq meñ yaaro ye tilismāt kī garmī

maiñ ye to nahīñ kahtā ki bashar dāva-e-ḳhudā.ī kar baiThe
phir bhī ġham-e-ishq se insāñ meñ kuchh shān-e-ḳhudā aa jaatī hai

ik zarā sī ḳhalish-e-dard-e-jigar par ye ghamanD
jaise kul ishq kī jāgīr liye baiThā huuñ

ishq sābit huā nuqsān kā saudā 'ārif'
sirf ghāTā hī mohabbat ke hisāboñ meñ rahā

yahī hai ishq ki sar do magar duhā.ī na do
vafūr-e-jazb se TuuTū magar sunā.ī na do

uljhā huuñ itnā ishq meñ
mujh ko mirā patā nahīñ

iz.hār se buland hai maiñ ne batāyā ishq
bolā maze haiñ is ko jatāne ke aur bhī

batlāyā rāh-e-ishq hai dushvār soch lo
kahne lagā haiñ rāste aane ke aur bhī

tumhāre ishq kā mujh ko milā hai ye in.aam
tamām-shahr ko apne ḳhilāf maiñ ne kiyā

ik musalsal zabt hī kā naam shāyad ishq hai
ab to nazroñ tak ko āñkhoñ hī meñ pī jaatā huuñ maiñ

kārobār-e-ishq meñ duniyā kī jhūTī maslahat
mujh ko samjhāte haiñ vo aur dil ko samjhātā huuñ maiñ

jazba-e-ishq agar dil meñ hai is tarah se mil
ki uḌā hosh mire aur mujhe pāgal kar de

ham-safar tū hai agar merā to ye dhyān bhī rakh
vādī-e-ishq kī har raah ko jal-thal kar de

esī kahānī bikaT hai ishq kāfir kī jo dekhe
to roveñ nuh falak aur chashm ho jaañ un kī nau nahrā

dil se jis ko chāhtā huuñ kyuuñ use rusvā karūñ
ye mirā sheva nahīñ maiñ ishq kā charchā karūñ

ye nik.hatoñ kī narm-ravī ye havā ye raat
yaad aa rahe haiñ ishq ko TuuTe ta.alluqāt

māyūsiyoñ kī god meñ dam toḌtā hai ishq
ab bhī koī banā le to bigḌī nahīñ hai baat

nādāñ hue haiñ ishq meñ aise bhī sānehāt

ishq-bāzī hai ābrū-rezī
apne fe.aloñ se darguzar ai dil