Tags-Ishq

ifshā-e-rāz-e-ishq kā mujh se ho kyā gila
kyā tum chhupā sake ho use is hayā ke saath

dil kāmyāb hai na nazar bāryāb hai
paalā paḌā hai ishq meñ kis bevafā ke saath

haiñ ab bhī ishq kī bāteñ gavāra
lahū dil ko magar karnā nahīñ hai

kab zarūrī hai ki ham qais kī sunnat pe chaleñ
maz.hab-e-ishq meñ bid.at bhī to ho saktī hai

ishq us se kiyā hai to ye gar yaad bhī rakkho
apne liye har din na.ī uftād bhī rakkho

ye sukūn-e-jāñ kī ghaḌī Dhale to charāġh-e-dil hī na bujh chale
vo balā se ho ġham-e-ishq yā ġham-e-rozgār koī to ho

sar-e-maqtal-e-shab-e-ārzū rahe kuchh to ishq kī aabrū
jo nahīñ adū to 'farāz' tū ki nasīb-e-dār koī to ho

husūl-e-ishq kī sab kāvisheñ haiñ lā-hāsil
maiñ dastaras se pare ik jahāñ meñ rahtī huuñ

ishq ko tark-e-junūñ se kyā ġharaz
charḳh-e-gardāñ ko sukūñ se kyā ġharaz

ishq se hai mujtanib zāhid abas
sher ko said-e-zabūñ se kyā ġharaz

ho ke sarshār bahut ishq se gaa.eñ holī
ik na.e rañg se apnoñ ko sunā.eñ holī

harf aane na diyā ishq kī ḳhuddārī par
kaam nākām tamannā se liyā hai maiñ ne

jazā-e-ishq-e-haqīqī rahī talab apnī
ḳhatā-e-ishq-e-majāzī janāb se huī thī

hotī hai vo izzat bhī vo beTī bhī hayā bhī
kyuuñ pahne faqat ishq kī zanjīr koī hiir

ilzām to aatā hai faqat ishq ke sar hī
rāñjhan kī to kartī nahīñ tahqīr koī hiir

ab kaun sunā.egā 'rabāb' ishq-sahīfa
kartī jo nahīñ ab koī tafsīr koī hiir

jaan kī baazī lagā dī bhed ke khulne talak
ishq vāloñ ko hamārā falsafa achchhā lagā

ishq hai pādshāh-e-ālam-gīr
garche zāhir meñ taḳht-o-tāj nahīñ

ishq kī pābandiyāñ bekār ho kar rah ga.iiñ
ham tasavvur meñ kisī ke hoñT chhū kar aa ga.e

un ko bhī tire ishq ne be-parda phirāyā
jo parda-nashīñ aurteñ rusvā na huiiñ thiiñ