Tags-Ishq

ishq jo dil meñ dard ho ke rahā
ḳhud usī dard kī davā haiñ ham

ishq rusvā-kun-e-ālam vo hai 'ahsan' jis se
nek-nāmoñ kī bhī bad-nāmī o rusvā.ī hai

itrātā garebāñ par thā bahut, rah-e-ishq meñ kab kā chaak huā
vo qissa-e-āzādāna-ravī, us zulf ke hāthoñ paak huā

mujh se ai dost phir ḳhafā ho jā
ishq ko niiñd aa.ī jaatī hai

kā.enāt-e-ishq ik dil ke sivā kuchh bhī nahīñ
vo hī aane ke liye hai vo hī jaane ke liye

ma.āl-e-ishq-e-anā-gīr hai ye muḳhtasaran
maiñ vo darinda huuñ jo ḳhud ko hī chabā gayā huuñ

manzil-e-ishq-o-junūñ ke fāsle haiñ sar-ba-kaf
in kaThin rāhoñ meñ lutf-e-dast-e-yārāñ chāhiye

ishq meñ hai 'jalīl' lā-sānī
husn meñ yaar kā javāb nahīñ

bas burī niyyat ke phal kā ik kasīlā zā.iqa
ishq goyā rizq thā niyyat ga.ī barkat ga.ī

ye ishq hai samundar phailā huā jahāñ meñ
mujh sā hai ik musāfir bhaTkā huā akelā

dil lagāyā jahāñ jafā dekhī
kyā balā ishq mujh ko raas nahīñ

dahr meñ 'fā.ez' sā nahīñ ek tan
ishq ke qānūn meñ qayāmat kare

kiyā mujh ishq ne zālim kuuñ aab āhista āhista
ki ātish gul kuuñ kartī hai gulāb āhista āhista

huā tujh ishq suuñ ai ātishīñ-rū dil mirā paanī
ki jyuuñ galtā hai ātish suuñ gulāb āhista āhista

sunā hai is taraf se bhī janāb ishq guzreñge
mirī hastī na uḌ jaa.e ġhubār-e-kārvāñ ho kar

ek aalam ko tire ishq meñ saktā hogā
saaf ā.īna se shaffāf badan hai kis kā

husn se dil to lagā ishq kā bīmār to ho
phir ye unnāb-e-lab o seb-e-zaqan hai kis kā

hote nashāt-e-ishq se bhī faizyāb 'arsh'
majbūr haiñ magar dil-e-ġham-āshnā se ham

kāfir-e-ishq ko kyā dair-o-haram se matlab
jis taraf tū hai udhar hī hameñ sajda karnā

is ishq kī himmat ke maiñ sadqe huuñ ki 'begam'
har vaqt mujhe marne pe tayyār to rakkhā