Tags-Ishq

maiñ junūn-e-ishq aur sahrā-e-ġham
tū adū kī bazm begāne kā ghar

lab the ḳhamosh ḳhauf se iz.hār-e-ishq ke
par āñsuoñ ko mere kisī kā bhī Dar na thā

allāh allāh ye me.arāj-e-mohabbat ai 'shauq'
husn ab ishq kā paanī hī bharā kartā hai

ham ko nīche utaar leñge log
ishq laTkā rahegā pañkhe se

agar vo gul-badan mujh paas ho jaave to kyā hove
zamīn-e-dil meñ tuḳhm-e-ishq bo jaave to kyā hove

sadā mashq-e-junūn-e-ishq meñ rahtā hai saudā.ī
agar 'dā.ūd' kī yū zisht-ḳhū jaave to kyā hove

husn kyuuñ ishq kī tash.hīr pe shādāñ hai bahut
ishq rusvā hai to kyā husn na rusvā hogā

mire dam tak vafā o ishq bhī duniyā meñ baaqī haiñ
masīhā.ī yahī hai vo mujhe bīmār rahne deñ

bisāt-e-ishq-bāzī meñ mirā dil
matā-e-sabr-o-naqd-o-hosh haarā

ye kaisī jafā.eñ hotī haiñ ye kaisī adā hai un kī 'fanā'
ham husn kā parda rakhte haiñ vo ishq kā da.avā karte haiñ

kuchh un kā husn bhī thā māvarā misāloñ se
kuchh apnā ishq bhī ham be-misāl rakhte the

uThī ghaTā kī tarah chhā ga.ī fazā kī tarah
hudūd-e-husn meñ tāsīr-e-ishq-e-nā-mahdūd

tarīq-e-ishq meñ kyuuñ bār-e-ġham uThā.e na dil
isī pahāḌ ke nīche hai manzil-e-maqsūd

yahāñ adā-e-farā.ez kī sūrateñ haiñ judā
namāz-e-ishq meñ vājib nahīñ rukū-o-sujūd

vafā-o-ishq kī dushvāriyāñ ḳhudā kī panāh
ajab ajab haiñ sharā.it ajab ajab haiñ quyūd

tirā qalaq bhī tirā dard bhī tirā ġham bhī
hamāre ishq ke itne gavāh haiñ maujūd

ishq jab kariye kisī se dil meñ ye jazba bhī ho
laakh hoñ rusvā.iyāñ par āshiqī baaqī rahe

hijr achchhā hai na ab us kā visāl achchhā hai
is liye aur kahīñ ishq laḌā kar dekho

hai ishq se husn kī safā.ī zāhir
rindī se huī hai pārsā.ī zāhir

ishq tāsīr se naumed nahīñ
jāñ-sapārī shajar-e-bed nahīñ