Tags-Ishq

vo husn-o-ishq ke rāz-o-niyāz hī na rahe
na vo ḳhatā.eñ rahīñ ab na vo sazā.eñ rahīñ

rabāb-e-isq na mizrāb-e-husn kuchh bhī nahīñ
vo naġhma-hā-e-tamannā na vo sadā.eñ rahīñ

rasm-e-jahāñ na chhūT sakī tark-e-ishq se
jab mil ga.e to pursish-e-hālāt ho ga.ī

vo jo ham-rahī kā ġhurūr thā vo savād-e-rāh meñ jal-bujhā
tū havā ke ishq meñ ghul gayā maiñ zamīñ kī chaah meñ jal-bujhā

jo kitāb-e-ishq ke baab the tirī dastaras meñ bikhar ga.e
vo jo ahd-nāma-e-ḳhvāb thā vo mirī nigāh meñ jal-bujhā

umr bhar sher kahe ham ne pa tū ne ai ishq
na to huznī hī kiyā aur na aahī ham ko

darḳhur-e-sajda hai abhī aur abhī nañg-e-zindagī
ishq-e-vafā-sarisht ko ḳhuub rulā rahe ho tum

razm-e-gah-e-hayāt meñ maiñ na utar sakā kabhī
ishq-e-zamāna-ḳhez meñ saarā yahāñ vahāñ bujhā

ye kār-e-ishq magar ham se kaise sarzad ho
alaav tez hai sāhab zarā pare ho jaao

un ke kūche se guzartā thā uThā.e hue sar
jazba-e-ishq ke hamrāh anā chaltī thī

dīvāna-e-khirad ho ki majnūn-e-ishq ho
rahnā hai us ko chāk-garebāñ kiye hue

kahtā thā maiñ ishq se baaz aa
dekhā jo dil-e-shaidā guzrī

ye ishq kī vaadī hai zarā soch samajh lo
is raah pe paañv koī dhartā hī nahīñ hai

isī liye tujhe detā huuñ daad nafrat kī
ki tū ne ishq se pur-e'timād nafrat kī

ishq ḳhud se hai us ko aur ḳhud hī vo pāgal
apnā aap khone kī sāzisheñ bhī kartā hai

aa jaa.e koī dam meñ to kyā kuchh na kījiye
ishq-e-majāz-o-chashm-e-haqīqat-nigar ġhalat

ishq ik hikāyat hai sarfarosh duniyā kī
hijr ik masāfat hai be-nigār sahrā kī

vahī aag apnā nasīb thī ki tamām umr jalā kiye
jo lagā.ī thī kabhī ishq ne vahī aag dil meñ bharī rahī

vo ek rahbar-e-nādāñ ki jis ko ishq kaheñ
Dubo ke kashtī-e-dil sharmsār bhī to nahīñ

abhī se mat kaho dil kā ḳhalal jaave to behtar hai
ye rāh-e-ishq hai yahāñ dam nikal jaave to behtar hai