Tags-Ishq

ishq kī itnī haqīqat hai 'ziyā'
us kī marzī ke sivā kuchh bhī nahīñ

sach pūchhiye to naam isī kā hai zindagī
ham istilāh-e-ishq meñ marnā kaheñ jise

sar phoḌnā junūñ meñ dalīl-e-kamāl hai
farzāngī-e-ishq hai saudā kaheñ jise

dekh kar mujh ko tujhe kyuuñ hai tahayyur nāseh
mashrab-e-ishq hai ye maz.hab-e-islām nahīñ

milegā qadr-dān-e-ishq ham ko
ḳhudā ma.ashūq bā.īmān degā

ishq ik 'mīr' bhārī patthar hai
kab ye tujh nā-tavāñ se uThtā hai

yā bhare ab ke us se dil merā
ishq kā naam phir na luuñ 'tābāñ'

agarche ālam-e-fānī kī har ik chiiz faanī hai
magar meñ huuñ ki ishq-e-jāvedānī le ke aayā huuñ

ye kor-chashm ujāloñ se ishq karte haiñ
jo ghar jalā ke bhī kahte haiñ raushnī hai nā

us sarv-qad ke ishq meñ ye phal milā 'nasīr'
har sad aah vaar kiyā ham ne kyā kiyā

maiñ apnī bastī kī kachchī galiyoñ se ishq kartī huuñ yaad rakhnā
agar jo achchhā burā kahegā amīr-zāde se laḌ paḌuñgī

aaj bhī terī hī sūrat hai muqābil mere
ye bhī ik ishq kā andāz hai qātil mere

kamāl-e-ishq to dekho vo aa ga.e lekin
vahī hai shauq vahī intizār baaqī hai

ishq-e-sitam samajh ke zarā ai nigāh-e-dost
ye terā imtihāñ hai mirā imtihāñ nahīñ

ibtidā-e-ishq ya.anī ek mohlik hādsa
aa ga.ī hastī yakāyak maut kī manzil ke paas

husn-e-yūsuf kise kahte haiñ zuleḳhā kyā hai
ishq ik ramz hai nādāñ abhī samjhā kyā hai

falsafe ishq ke ab kaun kise samjhā.e
har taraf us kī tajallī hai to pardā kyā hai

ishq kī Dor hī kuchh aisī hai
jis kā koī sirā nahīñ hotā