Tags-Ishq

ishq nā-vāqif-e-ādāb-e-talab hai 'anjum'
husn āmāda-e-iz.hār-e-vafā kaise ho

tirā ishq ham ko tirī aarzū
ḳhushī ke ye qadġhan haiñ sab se baḌe

āshiqoñ kuuñ nahīñ hai rusvā.ī
mus.haf-e-ishq kī hai ye tafsīr

hijr meñ itnā ḳhasāra to nahīñ ho saktā
ek hī ishq dobāra to nahīñ ho saktā

kashish-e-ishq hī laa.ī hai tumheñ yaañ varna
aap se thā na mujhe ye to gumāñ sunte ho

hasrat-e-dīd sar-e-bām tamāsha chāhe
ishq-e-betāb sar-e-tūr charāġhāñ māñge

mirā dil hai siine meñ raushnī isī raushnī pe madār hai
maiñ musāfir-e-rah-e-ishq huuñ to ye sham.a rāh-guzār hai

chhalkā paḌā hai chehroñ se ik vahshat-e-junūñ
phailā paḌā hai ishq kā bāzār ḳhair ho

ishq kyā vafā kyā hai vaqt kyā ḳhudā kyā hai
in latīf ḳhemoñ ke saa.e kyuuñ ghanere haiñ

dil meñ yahī ḳhalish rahe soz-e-nihāñ rahe
lekin mazāq-e-ishq-o-mohabbat javāñ rahe

rakhtā hai baġhāvat ke sharāre bhī nazar meñ
ye ishq jo hai paikar-e-taslīm-o-razā bhī

maiñ mohabbat suuñ hamesha ishq meñ sarshār huuñ
nashsha-e-fānī suuñ mat ḳhātir ko ḳhu-e-mul karo

ai 'alīmullāh' avval ishq meñ mismār ho
āshiqoñ meñ ba.ad apne āshiqī kā ġhul karo

usī ke saath chaltā hai koī ummīd kā jugnū
ki jis ke dil meñ bhī koī charāġh-e-ishq jaltā hai

ai silsila-e-nik.hat-e-gesū ke asīro!
hai ishq meñ ik marhala-e-koh-kanī bhī

ab jo chāho vo karo rahm-o-karam ho ki sitam
ab nahīñ tarz-e-taġhāful kā mire ishq ko ġham

dil ne ishq kī nākāmī
qismat par de maarī hai

zāhid namāz-e-ishq kī tajdīd ke liye
phir us ke naqsh-e-pā pe jhukātā huuñ sar ko maiñ

kartā huuñ zabt-e-ġham ki na khul jaa.e rāz-e-ishq
dil meñ chhupā ke rakhtā huuñ tīr-e-nazar ko maiñ

ishq kī ik jast ne tai kar diyā qissa tamām
is zamīn o āsmāñ ko be-karāñ samjhā thā maiñ