Tags-Ishq

yuuñ aap bigaḌne ko bigḌeñ lekin ye zarā socheñ samjheñ
kyā sirf hamīñ ne ishq kiyā duniyā ne kiyā aalam ne kiyā

ye sar-kashī junūñ nahīñ pindār-e-ishq hai
guzre haiñ daar se bhī usī bāñkpan se ham

ishq meñ aa ki aql kuuñ khonāñ
bā-ḳhirad ho ke be-ḳhirad honāñ

ishq kī rah ke musāfir kā muqaddar ma.alūm
shahr kī soch meñ ho aur use jañgal milnā

merā da.avā hai ishq meñ sachchā
dīda-e-tar haiñ do gavāhoñ meñ

ishq kī aañch meñ sundartā kā bhī dhan jaltā hai
parvāne kī chitā par sham.a kā joban jaltā hai

qasd-e-tarīq-e-ishq kiyā sab ne ba.ad-e-qais
lekin huā na ek bhī us rah-navard sā

vo jis kā ishq mirā juzv-e-rūh ban gayā thā
usī ne mujh se mohabbat bhī iḳhtiyārī kī

ho gayā qais ko bhī ishq kā da.avā paidā
ek afsāna nayā tum ne sunā mere ba.ad

ḳhāk-e-turbat se mirī log shifā paate haiñ
maraz-e-ishq kī niklī hai davā mere ba.ad

bul-havas ishq ke parde meñ numūdār hue
ab kahāñ sheva-e-taslīm-o-razā mere ba.ad

koī darvāza na haa.il koī dahlīz rahī
ishq sahrā meñ rahā aur Thikāne se rahā

ishq meñ maiñ tire huā majnūñ
kis ko hai aql aur kahāñ hai hosh

avval-e-ishq meñ ḳhabar bhī na thī
izzateñ baḳhshtī hai rusvā.ī

juz sabr dilā chāra nahīñ ishq-e-butāñ meñ
karte haiñ ye zulm aur tazallum se ziyāda

taklīf-e-takalluf se kiyā ishq ne āzād
mū-e-sar-e-shorīda haiñ qāqum se ziyāda

ishq kī aag hai muñh-zor 'salām'
apne dāman ko bachā kar rakhiye

ham apnā ishq chamkā.eñ tum apnā husn chamkāo
ki hairāñ dekh kar aalam hameñ bhī ho tumheñ bhī ho

ishq-e-ġhārat-gar ne shah dī husn-e-āfat-ḳhez ko
shauq-e-bismil hī se kas-bal bāzū-e-qātil meñ hai

mudda.ā-e-ishq merā kuchh nahīñ juz zauq-e-ishq
husn ko hairat ki ye kis sa.ī-e-be-hāsil meñ hai