Tags-Ishq

ishq-peche kī tarah husn-e-giraftārī hai
lutf kyā sarv kī mānind gar āzād raho

maiñ ne kal ḳhvāb meñ ā.inda ko chalte dekhā
rizq aur ishq ko ik ghar se nikalte dekhā

dekho alfāz kī bhī betābī
ishq aise ayaañ nahīñ hotā

aane de niiñd to sab so.eñ magar ai tauba
nāla-e-ishq kā is par shab-e-tanhā.ī kā

ham to 'bismil' hī rahe ḳhair huī
ishq meñ jaan chalī jaatī hai

ye jo ishq-e-jāñ-sitāñ hai ye jo bahr-e-be-karāñ hai
na sunā koī safīna kabhī is se paar hotā

sar-rishta jis ke haath lagā ishq kā use
tasbīh se na shauq na zunnār se ġharaz

apne apne rañg meñ yaktā maiñ hī maiñ huuñ tū hī tū hai
husn kī mūrat ishq kā putlā maiñ hī maiñ huuñ tū hī tū hai

'nūh' ye bāteñ miT jā.eñgī tere mere miT jaane se
chāhne vaalā ishq-o-vafā kā maiñ hī maiñ huuñ tū hī tū hai

bāzī-e-husn-o-ishq meñ kuchh haar hai na jiit
nazreñ milīñ diloñ kā ḳhazāna badal gayā

uf vo begāna nigāhoñ kī karam-farmā.ī
fitrat-e-ishq ba-andāz-e-junūñ tharrā.ī

manzil-e-aql junūñ rañg use miltī hai
jis ne ik baar rah-e-ishq meñ Thokar khaa.ī

ham na kahte the na kar ishq pashīmāñ hogā
jo kiyā tū ne vo aage tire ai dil aayā

ishq ke aqlīm meñ chāl-o-chalan kuchh aur hai
hai nirālā Dhañg vaañ kā aur ajā.ib taur hai

huuñ maiñ jān-o-dil se 'āsim' shāh-e-ḳhādim par fidā
ishq ke kishvar meñ jis kī shān-o-shaukat aur hai

soch lo pahle hamāre haath meñ phir haath do
ishq vāloñ ke liye haiñ aag ke dariyā bahut

ishq dariyā hai girāñ-bār na jaane koī
bahte paanī ko gunahgār na jaane koī

ab ishq se ziyāda ġham-e-tark-e-ishq hai
ye aag bujh ke aur jalā.e to kyā karūñ

dil ho gayā hai ḳhūgar-e-bedād ishq meñ
un kī vafā bhī raas na aa.e to kyā karūñ

thī ek rasm-e-ishq so ham ne bhī kī adā
duniyā meñ koī kaam anokhā na kar sake