Tags-Ishq

ḳhud ishq hī ko de ga.e rusvā.iyoñ ke daaġh
vo rāz-e-husn ham jinheñ ifshā na kar sake

hai ḳhirad bhī ḳhirad ke narġhe meñ
ishq ḳhud gumrahī kā hāsil hai

ishq dil meñ rahe to rusvā ho
lab pe aa.e to raaz ho jaa.e

na rahā sham-e-farozāñ meñ bhī vo sho.ala-e-ishq
aur parvānoñ ko marne kī adā yaad nahīñ

jise ḳhayāl kiyā ishq se nahīñ ḳhālī
tamām tālib-e-dīdār-e-yār baiThe haiñ

maiñ ne kahā ki ishq meñ bhī ab mazā nahīñ
us ne kahā ki az-sar-e-nau imtihāñ karo

Thahrā gayā hai lā ke jo manzil meñ ishq kī
kyā jaane rahnumā thā ki rahzan thā kaun thā

kis dil se hai ḳhudā.ī meñ ījād dard-e-ishq
roz-e-azal jo mūjid-e-shevan thā kaun thā

ishq ho mohabbat ho pyaar ho ki chāhat ho
ham to har samundar ke darmiyāñ meñ nikleñge

maiñ āb-e-ishq meñ hal ho ga.ī huuñ
adhūrī thī mukammal ho ga.ī huuñ

milī hai ishq kī sauġhāt jab se
udāsī terā āñchal ho ga.ī huuñ

milā vo be-ḳhudī-e-shauq meñ mazā ai 'shauq'
junūn-o-ishq meñ baaqī hai imtiyāz kahāñ

ik ishq jaise lafz meñ muzmir ho kā.enāt
ik husn jaise dhuup chaḌhī aur utar ga.ī

tumhāre ishq meñ duniyā hai dushman
ḳhudā.ī mujh ko maare Dāltī hai

na vo husn hai na hijāb hai na vo ishq meñ tab-o-tāb hai
na vo ābrū-e-vafā rahī tire gaañv meñ mire shahr meñ

sajda-e-ishq kar adā 'tarazī'
ye bhī kār-e-savāb ho jaa.e

roz-e-azal se ishq hai nākām-e-ārzū
dil hai magar hujūm-e-tamannā liye hue

thakā āḳhir ko majnūñ ġham se rāh-e-ishq meñ mere
ġhubār-e-ḳhātir o aañsū kī bārish dekh kar chahlā

ishq-e-ḳhūbāñ nahīñ hai aisī shai
bāñdh kar rakhiye jis ko puḌiyā meñ

ishq lagte hī ho gayā ma.alūm
hāl-e-majnūñ ishq-e-lailā meñ