Tags-Ishq

kaañ talak ḳhātir rakhoge aarzū meñ tañg kar
ġhuncha-dil bād-e-sabā suuñ ishq ke ḳhandāñ karo

ḳhāna-e-dil ko rakho ābād haq kī yaad suuñ
ishq kī ātish suuñ tan ko jaal kar vīrāñ karo

kis ne karam kiyā ye mire hāl-e-zār par
is be-ḳhudī-e-ishq se hoshyār kar diyā

qulzum-e-ishq ke tūfān se bachnā mālūm
ai dil-e-zār ab allāh nigah-bāñ terā

dāġh-e-dil taarā hai chashm-e-mehr kā
ishq kī jalva-numā.ī dekhiye

tavīl arse ke ba.ad aaj ye ghaḌī aa.ī
ki terā ishq mire dil se guftugū karegā

kāmyābī ke gur batāne lagī
ishq par aql mehrbāñ hai ab

ye kār-e-ishq to bachchoñ kā khel Thahrā hai
so kār-e-ishq meñ koī kamāl kyā karnā

hai kitne dinoñ se ishq 'nazīr' us yaar kā ham ko jis kī haiñ
sub.h aur biran shaam aur phaban aaj aur duvah kal aur tarah

hai kis ke zulf kā saudā tujhe ai ishq batlā de
hamesha itr-e-ambar kī sī bū aatī hai tujh ḳhū meñ

umr-bhar us kī nishānī dekhiye
ishq kar yuuñ jāvedānī dekhiye

aap haiñ jo ishq ke ahl-e-zabāñ
merī bhī kar tarjumānī dekhiye

is junūn-e-ishq kī Thokar meñ aa jaane ke ba.ad
āsmānoñ meñ bikhar jaatī hai sahrāoñ kī ḳhaak

ishq kī narm-nigāhī se hinā hoñ ruḳhsār
husn vo husn jo dekhe se nikhartā jaa.e

mohabbat kā nashsha rahe kyuuñ na har-dam
bharā hai mai-e-ishq se jaam dil kā

phañsāyā to āñkhoñ ne dām-e-balā meñ
magar ishq meñ ho gayā naam dil kā

huā ḳhvāb rusvā ye ishq-e-butāñ meñ
ḳhudā hī hai ab mere badnām dil kā

ahbāb bhī haiñ ḳhuub ki tash.hīr kar ga.e
merā sukūt ishq se ta.abīr kar ga.e

'sahbā' vo ek lafz thā dīvār kā likhā
ham jo miTe to ishq kī tauqīr kar ga.e

aag bhaḌkegī zahr utregā
husn ko ishq kī nazar denā