Tags-Ishq

khīñch kar ishq-e-sitam-pesha ne shamshīr-e-jafā
pahle ik haath mujhī par thā azal meñ maarā

ishq ke haath se ne qais na farhād bachā
is ko gar dasht meñ to us ko jabal meñ maarā

ham ne jaanā thā jabhī ishq ne maarā us ko
tesha farhād ne jis vaqt jabal meñ maarā

hai qat.a rah-e-ishq meñ ai 'zauq' adab shart
juuñ sham.a tū ab sar hī ke bal jaa.e to achchhā

ishq ne dekh liye husn meñ āfāq tamām
ek sakte kā vo umr-e-guzrāñ meñ aanā

husn ab hañgāma-ārā ho to ho
ishq ke daave to jhūTe ho ga.e

nashāt-e-husn ho josh-e-vafā ho yā ġham-e-ishq
hamāre dil meñ jo aa.e vo aarzū ho jaa.e

ishq ke maktab meñ jab aayā paye dars-e-junūñ
pahle hī uñglī uThī nūn-e-garebāñ kī taraf

ishq vo sho.ala-e-saffāk hai jis ne mujh par
aag jaarī rakhī aur raakh bhī hone na diyā

sharm aatī hai bahut aisī subuk-doshī par
ishq kā bojh bhī is ziist ne Dhone na diyā

kisī ke jaal meñ aa kar maiñ apnā dil gañvā baiThā
mujhe thā ishq qātil se maiñ apnā sar kaTā baiThā

aise pareshāñ to na the TuuTe hue sanñāhaTe
jab ishq kī tere mire ġham par basar-auqāt thī

ḳhāmosh dāb-e-ishq ko bulbul liye hue
gul mast hai chaman meñ piyāla piye hue

ishq-e-sanam hai is meñ haiñ ḳhuddāriyāñ zarūr
ai dil ḳhudā ke vāste ḳhud ko liye hue

murshid hai ishq ham haiñ murīd us janāb ke
barsoñ guzar ga.e haiñ piyāla piye hue

nāmard apne vaadī meñ rakkhegā kyā qadam
sar ho muhimm-e-ishq na be-sar diye hue

uThā.egā jab talak na 'nusrat' tū varta-e-ishq kī mashaqqat
to haath āvegā kyūñki tere vo gauhar-e-be-bahā-e-dariyā

qadam qadam par thā ḳhauf-e-tūfāñ jagah jagah thā fanā kā sāmāñ
magar rahe ishq terī himmat mire irāde aTal rahe haiñ

hāsil-e-ishq ba-juz ḳhātir-e-nāshād nahīñ
ye ġhanīmat hai ki mehnat mirī barbād nahīñ

ishq meñ mujh ko bigaḌ kar ab sañvarnā aa gayā
ho gayā nākām lekin kaam karnā aa gayā