Tags-Ishq

kahāñ ga.ī ishq kī vo shiddat
na tū vo rāñjhā na hiir huuñ maiñ

jis kai ishq kī ham par tohmateñ lagāte ho us hasīn paikar par
ham ne dil hī khoyā hai tum jo dekhte shāyad vaar dete jaañ logo

kuchh ḳhud bhī huuñ maiñ ishq meñ afsurda o ġhamgīñ
kuchh talḳhi-e-hālāt kā ehsās huā hai

ishq ik jins-e-girāñ-māyā hai ik daulat hai
ye magar umr kā hāsil to nahīñ hai ai dost

zindagī meñ us ko kaif-e-zindagī hāsil nahīñ
jis kā dil rāz-o-niyāz-e-ishq ke qābil nahīñ

hoshiyār ai mast-o-madhosh-e-javānī hoshiyār
ishq vo dariyā hai jo minnat-kash-e-sāhil nahīñ

dard ke biij bo liye rañj-o-alam ugā liye
ishq meñ dil kī maan kar ham ne ye gul khilā liye

ai ishq girah khol to ab merī zabāñ kī
karnī hai mujhe baat zarā ham-nafasāñ se

chupke se mire dil ne kahā kaan meñ kal shab
yuuñ haath uThātā hai koī ishq-e-butāñ se

ye rasm-e-āmad-o-raft-e-dayār-e-ishq taaza hai
hañsī vo jaa.e merī aur ronā yuuñ chalā aave

ye fann-e-ishq hai aave use tīnat meñ jis kī ho
tū zāhid-e-pīr-e-nā-bāliġh hai be tah tujh ko kyā aave

jo rañg-e-ishq se fāriġh ho us ko dil nahīñ kahte
jo maujoñ se na Takrā.e use sāhil nahīñ kahte

zuleḳhā ke vaqār-e-ishq ko sahrā se kyā nisbat
jo ḳhud khīñch kar na aa jaa.e use manzil nahīñ kahte

tirā ishq hai mirī zindagī tirā zikr hai mirī bandagī
tujhe yaad kartā huuñ maiñ sadā mujhe kaam hai isī kaam se

ab to vo ḳhabt mire ishq ko kah kar dekheñ
ḳhud hī ā.īne ko takne lage hairāñ ho kar

haañ mujhe gavārā hai ishq kā safar tanhā
us ne mujh ko chhoḌā hai kuchh to soch kar tanhā

ziist hai magar suunī ishq hai magar tanhā
chashm sar-basar vīrāñ qalb sar-basar tanhā

kyā qayāmateñ yaaro husn ke jilau meñ thiiñ
ham ne duur tak dekhā ishq thā magar tanhā

ishq meñ koī hamsarī kartā
ham ko ilzām se barī kartā

gar vahāñ jaao 'jamīla' to ye kahnā us se
go maiñ kāhīda huuñ par ishq tirā baar nahīñ