English
Favourite
Favourite
UrduShayarUrduShayar
Expand menu
Sign inAccount

Tags-Ishq

ho ke sar-tā-ba-qadam ālam-e-asrār chalā
jo chalā mai-kada-e-ishq se sarshār chalā
Ghazal
 ho ke sar-ta-ba-qadam aalam-e-asrar chala
charāġh-e-ishq hai aañsū se raushan
kisī kā ḳhūn-e-dil roġhan kisī kā
Ghazal
 dil-e-viran bhi tha maskan kisi ka
har saal manā.egī baḌī dhuum se duniyā
is ishq ko tyauhār banā leñ koī ham bhī
Ghazal
 duniya ke liye zahr na khaalen koi hum bhi
phir ḳhush aatī hai mire dil ko shab-e-māh kī sair
ishq phir chāñd se mukhḌe kā do-chandāñ hogā
Ghazal
 hath se kuchh na tere ai mah-e-kanan hoga
ishq-e-avval hai zehn meñ jānāñ
jo huā tere naal āñkhoñ meñ
Ghazal
 ho gaya paemal aankhon mein
hai yahī shauq shahādat kā agar dil meñ to ishq
le hī pahuñchegā hameñ bhī tirī shamshīr talak
Ghazal
 jab talak tir tera aawe hai naKHchir talak
maz.hab-e-ishq kā payambar huuñ
haañ magar āḳhirī nahīñ huuñ maiñ
Ghazal
 mast hun muttaqi nahin hun main
ham apne ishq kī ab aur kyā shahādat deñ
hameñ hamāre raqīboñ ne mo'tabar jaanā
Ghazal
 safar mein rah ke aashob se na Dar jaana
zamāna biit gayā tark-e-ishq ko 'tishna'
magar gayā na hamārā idhar udhar jaanā
Ghazal
 safar mein rah ke aashob se na Dar jaana
sabr bīmār-e-ishq kī hai davā
par tabī.at se merī raas kahāñ
Ghazal
 dil ab us dil-shikan ke pas kahan
'momin-miyāñ' ye kaam nahīñ hai ye ishq hai
kyā soch meñ paḌe ho karūñ yā karūñ nahīñ
Sher
 momin-miyan ye kaam nahin hai ye ishq hai
sunāne lagtā hai ash.ār-e-ishq jab 'ehsās'
maiñ us ke sāmne dil sā dhaḌakne lagtā huuñ
Ghazal
 jab usko dekhte rahne se thakne lagta hun
giyāh-e-ishq bhī merī gul-e-havas bhī mire
to kyuuñ zamīn tamāsha banā rahī hai mujhe
Ghazal
 hawa hawas ke ilaqe dikha rahi hai mujhe
kis ko ḳhabar thī ishq meñ kis ko ḳhayāl thā
kaT jā.eñge ta.alluq-e-kaun-o-makāñ se ham
Ghazal
 aatash-bajaan hain shiddat-e-soz-e-nihan se hum
us bevafā ne ham ko agar apne ishq meñ
rusvā kiyā ḳharāb kiyā phir kisī ko kyā
Ghazal
 gar humne dil sanam ko diya phir kisi ko kya
bhare rañg jitne badaltā zamāna
magar ishq kā mājrā ek hī hai
Ghazal
 jo but hai yahan apni ja ek hi hai
abas ishq ko intizār-e-asar hai
asar tak kahāñ aah kī bāryābī
Ghazal
 bana dengi duniya ko ek din sharabi
vo kaun haiñ ki havas raas aa ga.ī hai jinheñ
yahāñ to ishq bhī chāra-gar-e-alam na huā
Ghazal
 hujum-e-ham-nafsan chaara-e-alam na hua
hadd-e-nazar se duur zamān-o-makāñ se duur
manzil hai mere ishq kī fahm-o-gumāñ se duur
Ghazal
 hosh-o-KHirad se dur hun sud-o-ziyan se dur
kitāb-e-ishq jab bhī zindagī likhvā.egī mujh se
vafā ke baab meñ pahle tumhārā naam likkhūñgā
Ghazal
 nashat-e-arzu ka aur kya anjam likkhunga
Top Urdushayar.com