Tags-Ishq

aur yuuñ karne lagī ro kar ḳhitāb
ai vafā kī jaan ai nākām-e-ishq

tujh se raunaq-āshnā hai sub.h-e-shauq
tujh se zīnat-āfrīñ hai shām-e-ishq

jaan de kar tū to chhūTā ranj se
rah ga.ī maiñ hī balā āshām-e-ishq

terā marnā ishq kā āġhāz thā
maut par hogā mire anjām-e-ishq

'vahshat'-e-vahshī ki thā sab se alag
ho gayā kyā be-takalluf rām-e-ishq

dostoñ kī dostī dekhī hai jab se ai 'zafar'
ishq vīrāne se hai to vahshat ābādī se hai

dekh to jā ke masīhā-e-ġham-e-ishq use
haath ab tak yūñhī siine pe dharā hai ki nahīñ

husn ko kar na de ye sharminda
ishq se ye ḳhatā bhī hotī hai

ishq ne chuTkī sī lī phir aa ke merī jaañ ke biich
aag sī kuchh lag ga.ī hai sīna-e-bariyāñ ke biich

ġham-e-mohabbat hai us kā jis ko nahīñ vo ġham ain hai vo rāhat
ḳharāb jo ishq meñ hai us ke nahīñ vo bigḌā banā huā hai

vo rañj āḳhir ko hogā rāhat vo marg-e-umr-e-davām hogī
jo ishq-e-sādiq meñ mar miTā tū to phir abas shākī-e-jafā hai

tujhe bhī ishq huā hai ye kis zamāne meñ
nahīñ hai māl-e-mohabbat bhī dil-ḳhazāne meñ

maiñ ik firāq-zada aur nayā nayā tirā ishq
so ḳhuub rañg jamegā na.e-purāne meñ

ise maiñ aur ye merā asā hī tai karegā
ye rāh-e-ishq mirā hausla hī tai karegā

phir tire ishq meñ ḳhushbū kā badan pahne hue
tirī chaukhaT pe agar ban ke jalī jā.ūñ piyā

sab luTā ishq ke maidān meñ uryāñ aayā
rah gayā paas mire dāman-e-sahrā baaqī

ye hādisa bhī huā hai ki ishq-e-yār kī yaad
dayār-e-qalb se begāna-vār guzrī hai

hai fanā bismillāh-e-dīvān-e-ishq
āfrīnhā bar-sabaq ḳhvānān-e-ishq

zohra-e-dozaḳh hai aage us ke aab
al-amān az ātish-e-sozān-e-ishq

hai rihā qaid-e-ġham-e-kaunain se
pā-e-tā-sar qaidī-e-zindān-e-ishq