Tags-Ishq

tañg rakhtā hai davā ke naam se
mubtalā-e-dard be-darmān-e-ishq

ḳhūn-e-dil piitā hai aur hai jāntā
nemat-e-uzmā use mehmān-e-ishq

ġhaur kar dekhā to haft aqlīm meñ
hukmarāñ hai be-gumāñ sultān-e-ishq

kashtī-e-gardūñ sarāpā Duub jaa.e
josh meñ aave agar tūfān-e-ishq

bande ko maulā banātā hai mudām
kis qadar hai ye ayaañ ehsān-e-ishq

bhuul jaave zohd-o-taqvā zāhidā
gar kare tū sair-e-kufristān-e-ishq

faiz se 'āsim' shah-e-ḳhādim ke hai
sair meñ apnī bahāristān-e-ishq

kahāñ kā ishq havas tak bhī ho nahīñ saktī
yahī rahegā jo andāz mujrimāna mirā

kyuuñ kiyā rahā jo muqābla ḳhatrāt-e-gām-ba-gām se
sar-e-bām-e-ishq-e-tamām tak rah-e-shauq-e-nīm-tamām se

jo uThā hai dard uThā kare koī ḳhaak us se gilā kare
jise zid ho husn ke zikr se jise chiḌh ho ishq ke naam se

tulū-e-ishq ke manzar thame the
kahīñ kaase kahīñ par sar thame the

merī saj-dhaj to koī ishq-e-butāñ meñ dekhe
saath qashqe ke hai zunnār-e-barahman kaisā

maiñ ne kam khoyā sivā paayā hai kār-e-ishq meñ
dil jahāñ thā ab vahāñ ik dil-rubā rakhtā huuñ maiñ

manzil-e-ishq na tai hovī ba-qaul-e-'saudā'
mil ga.e ḳhaak meñ yaañ paañv ke dharte dharte

jo laḌakpan se hai gahvāra-e-betābī kī
nāz-parvarda-e-ishq-e-sitam ījād haiñ ham

jal gayā tanhā na koh-e-tūr hī parvāna-vār
aag tere ishq kī sham-e-dil-e-har-sañg hai

sab isī ishq ke karishme haiñ
varna kyā ai 'majāz' haiñ ham log

muddat se tak rahā hai mirī raah rozgār
ai ishq ḳhuub terī ravish iḳhtiyār kī

ilāhī kaash ġham-e-ishq kaam kar jaa.e
jo kal guzarnī hai mujh par abhī guzar jaa.e

jarīda meñ rah-e-pur-ḳhūn-e-ishq se guzrā
jaras se qāfile meñ bahs-e-nāla kyā kartā