Tags-Ishq

pul kī ta.amīr kā sāmān nahīñ ishq ke paas
ruuh baiThī hai udhar jism idhar baiThā hai

taġhayyurāt ne dastūr sab badal Daale
usūl-e-ishq mo.attal nahīñ huā ab tak

ye tere ishq kī tauhīn hai parī-zādī
maiñ terī yaad meñ bekal nahīñ huā ab tak

lā ke phir misr meñ ai ishq kisī yūsuf ko
phir na.e rañg se ārā.ish-e-zindāñ karnā

aap ko bech chukā huuñ tire ġham ke hāthoñ
hai magar ishq kā tere abhī saudā baaqī

ḳhud pashīmān hue ne use sharminda kiyā
ishq kī vaz.a ko kyā ḳhuub nibhāyā ham ne

ik ishq-qabīla mirī miTTī meñ chhupā thā
ik shaḳhs thā lekin koī ik shaḳhs na thā maiñ

vo ishq meñ sho.aloñ kā talabgār hai lekin
is aag meñ mar jaane kā saudā nahīñ kartā

ye lāzim hai ki āñkheñ daan kar de ishq ko vo
jo apne ḳhvāb kī tābīr paanā chāhtā hai

un ko ham se kyā matlab ham ko kyā ġharaz 'fayyāz'
tark ishq kar baiThe ham to ik zamāne se

baḌh chalā ishq to dil chhoḌ ke duniyā uTThā
ḳhud-baḳhud josh-e-mai-e-nāb se shīsha uTThā

jab raakh se uTThegā kabhī ishq kā sho.ala
phir pā.egī ye ḳhaak shifā aur tarah kī

husn-e-jānāñ ishq kā jaadū raqs-o-mastī dard kī lai
is mahfil kī jaltī bujhtī saarī shāmeñ terī haiñ

jab dahr ke ġham se amaañ na milī ham logoñ ne ishq ījād kiyā
kabhī shahr-e-butāñ meñ ḳharāb phire kabhī dasht-e-junūñ ābād kiyā

yahī ishq bil-āḳhir rog banā ki hai chaah ke saath ba-jog banā
jise banñā thā aish vo sog banā baḌā man ke nagar meñ fasād kiyā

ab mirā ishq dhamāloñ se kahīñ aage hai
ab zarūrī hai ki maiñ vajd meñ lā.ūñ tujh ko

ain mumkin hai tire ishq meñ zam ho jā.ūñ
aur phir dhyān kī jannat meñ na lā.ūñ tujh ko

bas isī vaj.h se qaa.em hai mirī sehat-e-ishq
ye jo mujh ko tere dīdār kī bīmārī hai

surūr-e-ishq ne ulfat se bāñdh rakkhā hai
tirī ġharaz ne mohabbat se bāñdh rakkhā hai

daulat-e-ishq nahīñ bāñdh ke rakhne ke liye
is ḳhazāne ko jahāñ tak ho luTāte rahiye