Tags-Ishq

ye kyā ajiib ishq hai jo phone par hī ho gayā
qarābatoñ kā shauq hī diloñ meñ ab rahā nahīñ

merā salām-e-ishq alaihis-salām ko
ḳhusrav idhar ḳharāb udhar kohkan ḳharāb

kab kī hamāre ishq kī naubat qais se aage jā pahuñchī
rasman log abhī tak us marhūm kā zikr azkār kareñ

diin o dil o jaañ sab sarmāya jis meñ apnā sarf huā
ishq ye kārobār nahīñ kyā aur jo kārobār kareñ

duniyā tere naam se mujh ko pahchāne
ishq meñ aisā rusvā kar de yā-allāh

in dinoñ ishq kī fursat hī nahīñ hai varna
us darīche kī udāsī to bulātī hai mujhe

ġham-e-ishq hī ko maiñ kyā kahūñ tire husn ko bhī nahīñ sukūñ
kabhī is nazar kī talāsh meñ kabhī us nazar kī talāsh meñ

ahl-e-dil jaate the pahle sirf maqtal kī taraf
ḳhud-kushī bhī ab hai shāmil ishq ke ādāb meñ

nafas nafas ne uḌā.īñ havā.iyāñ kyā kyā
ba-rañg-e-ishq huiiñ jag-hañsā.iyāñ kyā kyā

hamīñ ne ishq ko husn-e-anā kā rañg diyā
hamīñ pe ishq meñ aa.iiñ burā.iyāñ kyā kyā

'mīr'-jī zard hote jaate ho
kyā kahīñ tum ne bhī kiyā hai ishq

garmī-e-ishq-o-nihāl-e-hastī
ātish-o-ūd hai kyā honā hai

zarf se baḌh ke ne.amat-e-ishq bhī maut ban ga.ī
ham ne bhī to ġhazab kiyā had se sivā ḳharīd lī

ishq kī kār-gāh se husn kī bārgāh se
jis ko na aur kuchh milā is ne qazā ḳharīd lī

aaj nasīb-e-dushmanāñ chehra hai kyuuñ udaas udaas
merī tarah balā-e-ishq tum ne bhī kyā ḳharīd lī

ishq ai ishq azādār huuñ maiñ
dosh pe bār-e-hazīmat hī sahī

ḳhvāhish-o-ḳhvāb ke aage bhī kahīñ jaanā hai
ishq ke baab se aage bhī kahīñ jaanā hai

ishq meñ thoḌī sī suhulat thī
hazrat-e-qais ke zamāne meñ

maktab-e-ishq meñ sabaq paḌhne
log ā.eñge har zamāne meñ

kaise tum bhuul ga.e ho mujhe āsānī se
ishq meñ kuchh bhī to āsān nahīñ hotā hai