Tags-Ishq

mumkin nahīñ ki ishq meñ ġham se mafar mile
mar jā.ūñ maiñ qarār kī sūrat agar mile

dil kā magar javāb nahīñ rāh-e-ishq meñ
milne ko yuuñ hazār mujhe rāhbar mile

kahiye ki shān-e-ishq meñ kyā ho ga.ī kamī
go aap ḳhuub sī mirī tahqīr kar chuke

ik tarāzū ishq ke hāthoñ meñ bhī jab hai to vo
ālam-e-sūd-o-ziyāñ se māvarā kyūñkar huā

ḳhārzār-e-dīn-o-dānish lāla-zār-e-husn-o-ishq
dil kī ik vahshat se tai ye marhala kyūñkar huā

ye ishq 'jamīla' kā ai ḳhizr-e-rah-e-ulfat
mahbūb ke jalve ko asrār-e-ḳhudā jaanā

ishq par faa.ez huuñ auroñ kī tarah lekin mujhe
vasl kā lapkā nahīñ hai hijr se vahshat nahīñ

faiz-o-kamāl-o-sidq-o-safā aur husn-o-ishq
chhe lafz us ke marne pe be-pā-o-sar hue

be-ajal martā rahā ishq meñ us ke umr bhar
kahūñ kis muñh pe maiñ 'hasrat' vo hai jānāñ merā

toltī huuñ harf saare ishq kī mīzān meñ
aur samo letī huuñ un kā husn apnī jaan meñ

ishq kā hāsil kuchh bhī ho ik nisbat bhī kyā kam shai hai
kuchh naañ kuchh to hote haiñ jo baal bikhere hote haiñ

ghuTā aatā hai dam ye ishq ne ātish hai sulgā.ī
dil-e-sozāñ se yā qismat dhuāñ āñkhoñ kā duunā hai

tab-o-tāb-e-ishq kā hai karam ki jamī hai mahfil-e-chashm-e-nam
zarā dekhiyo ai havā-e-ġham ye charāġh koī bujhā na de

jā chuke ab vo zamāne ki mire shahr ke log
ishq meñ tere giraftār huā karte the

na sahī ishq dukh sahī nāseh
tujh ko kyā kaam tujh ko kyā matlab

ishq pahle hī qadam par hai yaqīñ se vāsil
intihā aql kī ye hai ki gumāñ tak pahuñche

ishq āsāñ nahīñ ai jaan baḌā mushkil hai
jaan de de magar insāñ na lagā.e dil ko

rāzdārī ishq meñ 'ālim' nahīñ chhoTī sī baat
dil hī dil meñ sochtā rahtā huuñ ab kyā kījiye

ishq kā shor koī chhuptā hai
nāla-e-andalīb hai gul-bāñg

qissa-e-'mus.hafī' sunā kar yaar
ishq is dāstāñ se uThtā hai