English
Favourite
Favourite
UrduShayarUrduShayar
Expand menu
Sign inAccount

Tags-Ishq

ishq hisāb chukānā chāhā thā ham ne
saarī umr samā ga.ī ek kaTautī meñ
Ghazal
 ek jadugar hai aankhon ki basti mein
ġham-e-ishq rah gayā hai ġham-e-justujū meñ Dhal kar
vo nazar se chhup ga.e haiñ mirī zindagī badal kar
Ghazal
 gham-e-ishq rah gaya hai gham-e-justuju mein Dhal kar
un ke ruḳh par jamāl hai goyā
ishq kā sab kamāl hai goyā
Ghazal
 un ke ruKH par jamal hai goya
garmi-e-ishq hind se sūraj
saarī duniyā pe laal hai goyā
Ghazal
 un ke ruKH par jamal hai goya
dil apnā said-e-tamannā hai dekhiye kyā ho
havas ko ishq kā saudā hai dekhiye kyā ho
Ghazal
 dil apna said-e-tamanna hai dekhiye kya ho
mirī jaañ ab bhī apnā husn vāpas pher de mujh ko
abhī tak dil meñ tere ishq kī qindīl raushan hai
Nazm
 meri jaan ab bhi apna husn wapas pher de mujhko
ārzū-e-dil kā ye anjām honā chāhiye
kyā mujhe bhī ishq meñ nākām honā chāhiye
Ghazal
 aarzu-e-dil ka ye anjam hona chahiye
ishq kī me.arāj ho ai kaash aisā mo.ajiza
naam koī le vo merā naam honā chāhiye
Ghazal
 aarzu-e-dil ka ye anjam hona chahiye
ajiib saltanat-e-ishq meñ nizām milā
jo bādshāh nazar aatā hai ik savālī hai
Ghazal
 jo mil gaya hai yahan jalwa-e-KHayali hai
tishna-kāmī is ko kahte haiñ ki bahr-e-ishq meñ
maiñ agar utrūñ to uupar pheñk de paanī mujhe
Ghazal
 waqt-e-aKHir yaad hai saqi ki mehmani mujhe
jitne haiñ kushtagān-e-ishq un ke azal se haiñ mile
ashk se ashk nam se nam ḳhuun se ḳhuun gil se gil
Sher
 jitne hain kushtagan-e-ishq un ke azal se hain mile
mohabbatoñ meñ to milnā hai yā ujaḌ jaanā
mizāj-e-ishq meñ kab e'tidāl rakkhā hai
Ghazal
 agarche zor hawaon ne Dal rakkha hai
'farāz' ishq kī duniyā to ḳhūb-sūrat thī
ye kis ne fitna-e-hijr-o-visāl rakkhā hai
Ghazal
 agarche zor hawaon ne Dal rakkha hai
sahrā to paar kar liyā dariyā bhī paar kar
kis ne kahā thā tujh se ki ishq iḳhtiyār kar
Ghazal
 sahra to par kar liya dariya bhi par kar
har numūd-e-ishq meñ soz-e-nihāñ samjhā thā meñ
shāhkār-e-husn ko ātash-bajāñ samjhā thā maiñ
Ghazal
 barq ke sae mein kaif-e-ashiyan samjha tha main
ishq-e-fānī ko nishāt-e-jāvedāñ samjhā thā maiñ
zindagī ke raaz ko ab tak kahāñ samjhā thā maiñ
Ghazal
 barq ke sae mein kaif-e-ashiyan samjha tha main
ġham gale paḌ gayā zindagī bujh ga.ī aql jaatī rahī
ishq ke khel meñ kyā tumhārā gayā maiñ to maarā gayā
Ghazal
 naKHl-e-mamnua ke ruKH dobara gaya main to mara gaya
ishq chaltā banā shā.irī ho chukī mai mayassar nahīñ
maiñ to maarā gayā maiñ to maarā gayā maiñ to maarā gayā
Ghazal
 naKHl-e-mamnua ke ruKH dobara gaya main to mara gaya
ġham se kahāñ ai ishq mafar hai
raat kaTī to sub.h kā Dar hai
Ghazal
 gham se kahan ai ishq mafar hai
toḌ baiThe vajūd apnā ham
ishq ko pā.edār karte hue
Ghazal
 zulf ruKH pe sawar karte hue
Top Urdushayar.com