Tags-Ishq

har lamha tere ishq meñ umr-e-abad banā
jo din bhī zindagī ke mile aarzī na the

yārān-e-shahr ishq meñ be-ābrū hue
ham par to mehrbāñ vo kabhī the kabhī na the

ishq hai yaar kā ḳhudā-hāfiz
amr-e-dushvār kā ḳhudā-hāfiz

gar 'saḳhī' ko hai ishq kā āzār
aise bīmār kā ḳhudā-hāfiz

go ishq ke tumhāre ushshāq ab muqir haiñ
avval zabāñ pe jis kī iqrār thā so maiñ thā

tujh ishq meñ nasīhat sab yaar mānte the
nāseh ke par suḳhan se be-zār thā so maiñ thā

ye dard-e-ishq tirā lā-ilāj hai 'yahyā'
use kabhī nahīñ jaanā kahīñ nahīñ jaanā

ishq meñ gul ke jo nālāñ bulbul-e-ġhamnāk hai
gul bhī us ke ġham meñ dekho kiyā garebāñ-chāk hai

ai zohd-e-ḳhushk terī hidāyat ke vāste
sauġhāt-e-ishq laa.e haiñ kū-e-butāñ se ham

tamām lafzoñ meñ raushan har ik baab meñ maañ
junūñ ke shelf meñ hai ishq kī kitāb meñ maañ

ahl-e-duniyā to hamesha hī se aise the magar
ishq itnā nā-tavāñ pahle kabhī dekhā na thā

rakhā kūcha-e-ishq meñ jis ne qadam huā hazrat-e-ishq kā jis pe karam
use aap se bhī sarokār nahīñ jo ġharaz hai to apne sanam se ġharaz

aql-o-hosh apne kā 'rañgīñ' ho gayā sab aur rañg
kishvar-e-dil meñ jab aa kar ishq ke thāne hue

pahle gyārah the pisar is saal baara dekhnā
ishq ke aḳhbār kā taaza shumāra dekhnā

ġhurūr-e-husn unheñ inkisār-e-sheva-e-ishq
vo be-niyāz rahe ham niyāz-mand rahe

is dafa ishq ke jañgal se nikal ā.ūñgā
raah kā saarā fusūñ ab mirā dekhā huā hai

ho salāmat mirā ishq josh-e-junūñ husn ke raaz ḳhud munkashif ho ga.e
itnī mushkil nahīñ rahguzār-e-fanā be-ḳhudī chāhiye āgahī ke liye

na haarā hai ishq aur na duniyā thakī hai
diyā jal rahā hai havā chal rahī hai

agar dil ishq siiñ ġhāfil rahā hai
to apne fan meñ nā-qābil rahā hai

qissa hai bas do-pal kā ye milne aur bichhaḌne kā
karne vaale ishq kī yuuñ to karte haiñ tafsīr bahut