Tags-Ishq

vo milā ki jaise bichhaḌ gayā koī sāneha bhī nahīñ huā
mirā ishq bhī koī ishq hai ki na ḳhush kare na malāl de

tumhāre aur apne ishq kī har kaifiyat se āshnā huuñ maiñ
magar jānāñ

manzil-e-ishq kī hai rah hamvār
na bulandī hai yaañ na pastī hai

mirā ishq dariyā ko tai kaise kartā
ghaḌā bhī thā bilkul hī kachchā mirī jaañ

hurmat-e-ishq tujhe daaġh lagāne kā nahīñ
baat bantī na bane baat se jaane kā nahīñ

mārka-ārā.īyāñ haiñ aaj husn-o-ishq kī
sāmnā is jalva-gah meñ dilrubā se dil kā hai

ragoñ meñ soz-e-ġham-e-ishq se lahū hai ravāñ
so vahshī aage nikal kar hiran se jaatā hai

na koī tesha na sañg-e-girāñ na jū-e-shīr
junūn-e-ishq dil-e-kohkan se jaatā hai

ishq kā jurm sahl kaam nahīñ
ki har ik lā.eq-e-sazā Thahre

barjā hai gar sunūñ na.iiñ nāseh tirī nasīhat
maiñ jām-e-ishq pī kar mastāna ho rahā huuñ

baġhair ishq hai rūdād-e-zindagī tārīk
ye lafz zīnat-e-unvāñ nahīñ to kuchh bhī nahīñ

ta.ajjub kyā agar rasm-e-vafā yuuñ bhī hai aur yuuñ bhī
ki husn o ishq kā har mas.ala yuuñ bhī hai aur yuuñ bhī

har raat machāte phireñ haiñ shauq se dhūmeñ
ye mast-e-mai-e-ishq haiñ kab ḳhauf-e-asas meñ

sādgī hai adā meñ us kī jo
ishq meñ yaar rā.egāñ huuñ maiñ

samundar paar karnā ishq kā āsāñ nahīñ 'shamsī'
bhañvar se bach bhī jaa.eñ to kinārā maar Dālegā

ishq meñ zillat huī ḳhiffat huī tohmat huī
āḳhir āḳhir jaan dī yāroñ ne ye sohbat huī

kyā kaf-e-dast ek maidāñ thā bayābāñ ishq kā
jaan se jab us meñ guzre tab hameñ rāhat huī

gosh zad chaT-paT hī marnā ishq meñ apne huā
kis ko is bīmāri-e-jāñkāh se fursat huī

ishq meñ kaam kuchh nahīñ aatā
gar na kī hirs-o-māl-o-jāh na kī

pās-e-ādāb-e-husn-e-yār rahā
ishq mere liye adiib huā