Tags-Ishq

ātish-e-ishq suuñ tirī jal jal
dil huā dil huā kabāb kabāb

tum mohabbat meñ kahāñ sūd-o-ziyāñ le aa.e
ishq kā naam ḳhirad hai na junūñ hai yuuñ hai

nādāñ se ek umr rahā mujh ko rabt-e-ishq
daanā se ab paḌā hai sarokār dekhnā

nāseh abas kare hai man.a mujh ko ishq se
aa jaa.e vo nazar to phir inkār dekhnā

sa.ī-e-zabt-e-ġham-e-bedād kiye jaatā huuñ
puḳhta-tar ishq kī buniyād kiye jaatā huuñ

ne ishq ke qābil haiñ ne zohd ke darḳhur haiñ
ai 'mus.hafī' ab ham se kuchh kaam nahīñ hotā

ishq jab vaqt ko jhiñjhoḌtā hai
hādse kaañp ke jhaḌ jaate haiñ

koī dil jahāñ banā hai ġham-e-ishq kā nishāna
vahīñ raas aa ga.ī hai use gardish-e-zamāna

mirī shā.irī meñ pinhāñ mire dil kī dhaḌkaneñ haiñ
mirī har ġhazal hai goyā ġham-e-ishq kā fasāna

ye faroġh-e-gulsitāñ hai ki bahār se ayaañ hai
tire husn kī haqīqat mire ishq kā fasāna

tum bhalā kyoñ udaas rahne lage
tum ko to yaar ishq thā bhī nahīñ

ishq kī raah se guzarnā paḌā
aur thā koī rāsta bhī nahīñ

husn aur ishq donoñ meñ tafrīq hai par inhīñ donoñ pe merā īmān hai
gar ḳhudā ruuTh jaa.e to sajde karūñ aur sanam ruuTh jaa.e to maiñ kyā karūñ

ḳhulūs shart hai avval bhī aur āḳhir bhī
dayār-e-ishq meñ sab hech hai vafā ke sivā

dard-virāsat pā lene se naam nahīñ chal saktā
ishq meñ baabā ek janam se kaam nahīñ chal saktā

tohmat-e-ishq munāsib hai aur ham par jachtī hai
ham aisoñ par aur koī ilzām nahīñ chal saktā

jo sho.abde the tere pīr-e-vaqt un kā kyā huā
atā-e-husn-o-ishq par davām kyuuñ nahīñ rahā

donoñ aalam se vo begāna nazar aatā hai
jo tire ishq meñ dīvāna nazar aatā hai

ishq-e-but ka.aba-e-dil meñ hai ḳhudāyā jab se
terā ghar bhī mujhe but-ḳhāna nazar aatā hai

sho.ala-e-ishq meñ dekhe koī jalnā dil kā
sham.a ke bhes meñ parvāna nazar aatā hai