Tags-Izhar

saut o āhañg hī pairāya-e-iz.hār nahīñ
be-navā.ī meñ bhī andāz-e-navā hotā hai

vo jo sheroñ meñ hai ik shai pas-e-alfāz 'nadīm'
us kā alfāz meñ iz.hār nahīñ ho saktā

tarz-e-iz.hār meñ koī to nayā-pan hotā
dard rañgīn badan shīshe kā bartan hotā

log lab-basta agar hoñ to nikal aatī haiñ
chup ke pairāya-e-iz.hār se bāteñ kyā kyā

zaat meñ karb ho aur karb kā iz.hār na ho
sochtā huuñ kahīñ merā yahī kirdār na ho

abhī vasīl-e-iz.hār DhūñDhtī hai nigāh
abhī savāl kahāñ hasrat-e-savāl meñ huuñ

ye terī jur.at-e-iz.hār ye biphrā huā lahja
yaqīñ mujh ko dilāte haiñ

jab dil meñ zarā bhī aas na ho iz.hār-e-tamannā kaun kare
armān kiye dil hī meñ fanā armān ko rusvā kaun kare

kyā kareñ arz-e-tamannā ki tujhe dekhte hī
lafz pairāya-e-iz.hār meñ gum ho jaa.eñ

jāñ-soz ġhamoñ kā kahīñ iz.hār nahīñ hai
zindāñ meñ bhī zanjīr kī jhankār nahīñ hai

mujhe iz.hār-e-ulfat par ye un se daad miltī hai
tumhārā ishq ik din merī zillat kā sabab hogā

ishq elaan se pahle thā 'shanāvar' kyā chiiz
husn iz.hār-e-ḳhayālāt se pahle kyā thā

har mulāqāt adhūrī rahī is uljhan meñ
ya.anī iz.hār-e-mohabbat meñ pahal kaise ho

lagī huī haiñ zamīr-e-hayāt par mohreñ
kisī meñ jur.at-e-iz.hār bhī nahīñ baaqī

kaam āñkhoñ se na lete to bhalā kyā karte
dard pinhāñ the bahut par lab-e-iz.hār na thā

us ne 'shahzād' tirī baat ko Thukrā hī diyā
maiñ na kahtā thā ki iz.hār-e-tamannā na karo

mar jā.eñge iz.hār-e-tamannā hī se pahle
sunñe ko tire muñh se nahīñ ke na raheñge

javāñ haiñ jin ke pahlū meñ ḳhayāl-e-pās ḳhuddārī
zarūrat meñ bhī iz.hār-e-zarūrat kar nahīñ sakte

tire dīvāne iz.hār-e-mohabbat kar nahīñ sakte
mohabbat kar ke tauhīn-e-mohabbat kar nahīñ sakte