Tags-Izhar

aur janmoñ se tire andar chhupā thā vo bhī maiñ
aur tire iz.hār se bāhar uḌā thā vo bhī maiñ

kahāñ ye jur.at-e-iz.hār thī kisī shai meñ
sukūt-e-shab se mire ham-kalām hone tak

jhijak iz.hār-e-armāñ kī ba-āsānī nahīñ jaatī
ḳhud apne shauq kī dil se pashemānī nahīñ jaatī

āsān hai jaañ denā kisī baat pe 'nūrī'
dushvār hai iz.hār-e-ḳhayālāt na karnā

kuchh soch ke iz.hār-e-ḳhayālāt na karnā
har baat ko sunñā vo tirā baat na karnā

uḌte rahte haiñ ḳhayālāt ke jugnū phir bhī
baat kyuuñ parda-e-iz.hār meñ kho jaatī hai

iz.hār-e-ġham-e-zīst kareñ kyā ki 'zafar' ham
vo ġham haiñ ki sharminda-e-iz.hār hue haiñ

iz.hār-e-hāl kā bhī zarīya nahīñ rahā
dil itnā jal gayā hai ki āñkhoñ meñ nam nahīñ

raaz meñ rah na sakegī koī iz.hār kī lai
ik na ik sūrat-e-āhañg dikhā.ī degī

fikr-o-iz.hār meñ ḳhud aane lagī pā-mardī
bhuuk kī aag ne lahje meñ tamāzat bhar dī

bas mohabbat bas mohabbat bas mohabbat jān-e-man
baaqī sab jazbāt kā iz.hār kam kar dījiye

leTe baiThe chupke chupke chāTte rahnā zaḳhmoñ ko
rañj kā kuchh iz.hār nahīñ hai lutf kā ye sāmān sā hai

ātish-kada hai siina mirā rāz-e-nihāñ se
ai vaa.e agar māriz-e-iz.hār meñ aave

ajab kyā hai jo ḳhāmoshī hī sharh-e-ārzū kar de
mire lab se to iz.hār-e-tamannā ho nahīñ saktā

har harf se phūTegī kiran sub.h-e-junūñ kī
har baab raqam jur.at-e-iz.hār se hogā

kyā kyā na paḌhā is maktab meñ, kitne hī hunar sīkhe haiñ yahāñ
iz.hār kabhī āñkhoñ se kiyā kabhī had se sivā bebāk huā

muddat huī ḳhamoshī-e-iz.hār-e-hāl ko
āb-e-sadā hī dījiye dasht-e-ḳhayāl ko

mohabbat barmalā iz.hār hai sachche ta.alluq kā
agar koī kahe chhup kar

un se iz.hār-e-mohabbat jo koī kartā hai
duur se us ko dikhā dete haiñ turbat merī