Tags-Jalwa

ishrat-e-dīd hai yahī apnā bhī kuchh rahe na hosh
jalva ba-qaid-e-tāb-e-dīd asl meñ jalva hī nahīñ

hazāroñ baar muusā tuur par jaa.eñ to kyā hāsil
ye vo jalva hai jo har baar dikhlāyā nahīñ jaatā

nazāra karūñ kaise tirī jalvagarī kā
parda abhī haa.il hai mirī be-basarī kā

butoñ meñ use jalva-gar kah rahā huuñ
baḌī baat hai muḳhtasar kah rahā huuñ

dil kī gintī na yagānoñ meñ na begānoñ meñ
lekin us jalva-gah-e-nāz se uThtā bhī nahīñ

kyuuñ har gaam pe merā dil hai sajdoñ pe majbūr
kyā nazdīk kahīñ hai terī jalva-gāh-e-nāz

ye jalva-e-hā-e-bū-qalmūñ be-sabāt haiñ
hai zindagī tilism-e-jahāñ ik fasāna hai

tāb-e-nazar to shart hai lekin hadd-e-nazar kyuuñ haa.il hai
jalva-fagan to jalva-fagan hai hadd-e-nazar se aage bhī

miinā meñ na ho jalva vo bāda-e-gul-gūñ kā
jaame meñ jo kuchh yaaro rañg us ke badan kā thā

'fanā' vo jalva-gar hone lage har bazm-e-īmāñ meñ
mirā dil le ke jab mujh ko sar-e-kū-e-butāñ pahuñchā

chāndnī dekh ke yaad aate haiñ kyā kyā vo mujhe
chāñd jab shab ko 'qamar' jalva-numā hotā hai

sad jalva rū-ba-rū hai jo mizhgāñ uThā.iye
tāqat kahāñ ki diid kā ehsāñ uThā.iye

na jaane husn-e-haqīqat kī jalva-gāh se kyuuñ
fasāne jitne bhī aa.e vo nā-tamām aa.e

jalva-gar aaj unheñ bhī sar-e-mimbar dekhā
jin ko dekhā thā nikalte hue mai-ḳhāne se

maiñ vo āsūda-e-jalva huuñ ki terī ḳhātir
har koī mujh se mirī ḳhush-nazarī māñge hai

husn hī to nahīñ betāb-e-numā.ish 'unvāñ'
ishq bhī aaj na.ī jalvagarī māñge hai

aap chāheñ to tasavvur bhī mujassam ho jaa.e
zauq-e-āzar to na.ī jalvagarī māñge hai

ba-qadr-e-hausla-e-ishq jalva-rezī hai
vagarna ḳhāna-e-ā.īna kī fazā ma.alūm