Tags-Jalwa

ik zohara-vash hai aañkh ke pardoñ meñ jalvagar
nazroñ meñ āsmāñ na samā.eñ to kyā kareñ

harīm-e-nāz meñ terā na gar jalva dikhā.ī de
to behtar hai rah-e-ulfat meñ ho jaa.eñ fanā āñkheñ

jalva dekhoge kahāñ dil ke alāva apnā
mire TuuTe hue ā.īne kī qismat samjho

kasrat-e-jalva ko ā.īna-e-vahdat samjho
jis kī sūrat nazar aa.e vahī sūrat samjho

nikhār aane lagā phir ḳharāba-e-jāñ par
ye kis kī jalvagarī kā zamāna aayā hai

jahāñ kī rañgīniyoñ se ab tak 'vaqār' bilkul hī be-ḳhabar the
asīr-e-jalva nazar thī apnī shu.ūr-e-zauq-e-nazar se pahle

ka.abe meñ ho yā but-ḳhāne meñ hone ko to sar ḳham hotā hai
hotā hai jahāñ tū jalva-numā kuchh aur hī aalam hotā hai

sukūt-e-shab kī hai jalva-faroshī
hai maujūdāt par chhā.ī ḳhamoshī

vo jalva-gāh-e-nāz ho yā bazm-e-ġhair ho
jannat hameñ vahīñ hai jahāñ dil bahal gayā

diyā dikhā.ī mujhe to isī kā jalva 'mīr'
paḌī jahān meñ jā kar nazar jahāñ merī

nazar meñ phir rahā hai bas kisī ke husn kā manzar
mazāq-e-dīd kī vo jalva-sāmānī nahīñ jaatī

mohabbat ke jogī sitam ke birogī vafā ke bhikārī jafā ke pujārī
jahāñ dekh paate haiñ jalva butoñ kā bichhāte haiñ apnā vahīñ mirg-chhālā

ḳhudā kī ḳhudā.ī kā jalva hai o but
ye husn-e-javānī nahīñ shān-e-rab hai

sabhī hāthoñ meñ le kar sañg aa.e
ḳhirad kī jalva-ārā.ī salāmat

kis kī ye mauj-e-husn huī jalva-gar ki yuuñ
dariyā meñ jo habāb the āñkheñ chhupā chale

yā āñkhoñ se ik aan na hotā thā vo ojhal
yā jalva dikhātā nahiñ ab ik nazar apnā