Tags-Jannat

jannat ḳhudā hī jaane kahāñ hai kahāñ nahīñ
mujh ko yaqīn hai ki jahannam yahīñ pe hai

ham se gunāhgār bhī us ne nibhā liye
jannat se yuuñ zamīn ko behtar likheñge ham

chaltī phirtī huī ā.ankhoñ se azaañ dekhī hai
maiñ ne jannat to nahīñ dekhī hai maañ dekhī hai

bar-haq 'alīmullāh' kahā rab qaul yahdī-maiñ-yashā
jannat ke tālib ko kaho aave nazar dīdār kab

zāhid kī tarah ham ko bhī jannat kī hai talāsh
apnā bhī aa gayā hai dil ik rashk-e-hūr par

tālib haiñ jo tire unheñ jannat se kyā ġharaz
paḌtī nahīñ hai aañkh shahīdoñ kī huur par

ho agar ḳhauf-e-ḳhudā kaam banā kartā hai
sirf misvāk se jannat nahīñ miltī pagle

ye jannat mubārak rahe zāhidoñ ko
ki maiñ aap kā sāmnā chāhtā huuñ

bhārat kī taqdīr ko dekho
jannat kī tasvīr ko dekho

jannat kā samāñ dikhā diyā hai mujh ko
kaunain kā ġham bhulā diyā hai mujh ko

is ufuq par na agar jannat-e-mau.ūda milī
is ufuq tak bhī jo chāho to safar kar dekho

sūrat-e-idrīs jannat se nikalte haiñ kahīñ
ab to laayā tāla-e-bedār qaisar-bāġh meñ

faqr bhī dekheñ zarā ḳhātūn-e-jannat kā janāb
apne kāmoñ ke liye rakkhā koī daaya nahīñ

faqīrī faqīrī faqīrī faqīrī
na jannat na duniyā na ghar dekhte haiñ

jannat se nikālā huā aadam huuñ maiñ aadam
baaqī vahī laġhzish kā hai unsur mire andar

kisī kāfir kā ghar thā yā nahīñ ma.alūm jannat thī
abhī tak merī āñkhoñ meñ dar-o-dīvār phirte haiñ

maiñ to samjhā thā jis vaqt mujh ko vo mileñge to jannat milegī
kyā ḳhabar thī rah-e-āshiqī meñ saath un ke qayāmat milegī

duur sunahre gumbad chamke lekin gardan kaun jhukā.e
maiñ to jannat bhī kho kar āzād-manash insān rahā huuñ

ye eden garden hamdam nigāh-o-dil kī jannat hai
yahāñ havvā kī rañgīñ beTiyāñ har shaam aatī haiñ

bhaa.ī se tab kahā ye hasan ne ba-iltifāt
be-vaj.h ham se rūThe ho tum ai niko-sifāt