Tags-Judai

ye haul-nāk ḳhamoshī judā.ī kā āshob
maiñ sochtā huuñ ki yūñhī rahā to kyā hogā

kabhī kabhī to ye dil meñ savāl uThtā hai
ki is judā.ī meñ kyā us ne pā liyā hogā

din judā.ī kā diyā vasl kī shab ke badle
lene the ai falak-e-pīr ye kab ke badle

pāñchoñ havās kī bazm sajā kar us kī yaad meñ baiThe the
ham se pūchho shab-e-judā.ī kab kab pattā khaḌkā thā

chhupī thī is meñ hī tamhīd bhī judā.ī kī
hamārā aap se milnā to ik bahāna thā

hai bajā terī judā.ī meñ to mar jaanā thā
maiñ magar hijr meñ bhī vasl se vābasta huuñ

judā.ī kā bas ek pal girāñ thā zindagī pe jab
to darmiyān bahr-e-māh-o-sāl kaise aa gayā

koī bhī vaqt ho kabhī hotā nahīñ judā
kitnā aziiz us kī judā.ī kā vaqt hai

judā.ī kā tasavvur saath rakhnā
mohabbat meñ judā.ī lāzmī hai

abhī to hālat-e-dil kā sudhār hai mushkil
abhī to terī judā.ī kā zaḳhm taaza hai

ḳhudā samjhe hamārī āh-e-sozāñ se judā.ī meñ
ki saarī dil kī tāqat uḌ ga.ī muñh se dhuāñ ho kar

girya-e-judā.ī ko sahl jānñe vaalo
dil se aañkh kī jānib ḳhuun dauḌtā paayā

kabhī kasak judā.ī kī kabhī mahak visāl kī
qadam na the zamīñ pe jab vo umr thī kamāl kī

har raat hai āshiq ko tire roz-e-qayāmat
har roz judā.ī meñ use ho hai hunaddas

kahīñ ilāhī shab-e-judā.ī tamām hone ko aa ga.ī hai
numūd-e-sub.h-e-jazā ho shāyad ki maiñ ne dekhā hai ḳhvāb-e-āriz

maqām-e-zabt hai ai dil sambhalnā
judā.ī kī ghaḌī sar par khaḌī hai

use milnā bhī hai qaid-e-musalsal
judā.ī kī bhī apnī hathkaḌī hai

chamak-damak ke makr se nikle karb ke bandhan TuuT ga.e
shām-e-judā.ī ke mahtāb se sub.h kā aḳhtar achchhā thā

na pūchh kaisā thā manzar tirī judā.ī kā
farishta hotā to vo bhī dahal gayā hotā

halāk andāz-e-vasl karnā ki parda rah jaa.e kuchh hamārā
ġham-e-judā.ī meñ ḳhaak kar ke kahīñ adū kī ḳhushī na karnā