Tags-Judai

tumhāre vasl kī rātoñ kī lazzatoñ kī qasam
mujhe judā.ī ke manzar na ab dikhāyā karo

kis se is dard-e-judā.ī kī shikāyat kahiye
yaañ to siine meñ niystāñ kā niystāñ hogā

dil ke har juzv meñ judā.ī hai
dard uThe aabla agar baiThe

judā.ī bhī na hotī zindagī bhī sahl ho jaatī
jo ham ik dūsre se mas.ala tabdīl kar lete

mujh se auroñ kī judā.ī bhī sahī jaatī nahīñ
maiñ ne do bhīgī huī palkoñ ko bāham kar diyā

shāyad ki ek raat ke ba.ad aur raat ho
sapne meñ ik judā.ī ke ba.ad aur judā.ī thī

jis kī āñkhoñ meñ kaTī thiiñ sadiyāñ
us ne sadiyoñ kī judā.ī dī hai

dil ke har juzv meñ judā.ī hai
kyā balā vasl kī samā.ī hai

tirī judā.ī ke kitne sūraj ufuq pe Duube magar abhī tak
ḳhalish hai siine meñ pahle din sī lahū maiñ vaisī hī vahshateñ haiñ

abhī se kyuuñ judā.ī kī aziyyat kā kareñ shikva
abhī dil meñ tirī maujūdgī mahsūs hotī hai

guzar chukā hai tirī judā.ī kā sāneha bhī
hamārī dhaḌkan na.e qarīne pe chal rahī hai

judā.ī ke kare tadbīr ab kaun
ye dil thā so usī siiñ mil rahā hai

mujhe terī judā.ī kā ye sadma maar Dālegā
zamāne bhar meñ rusvā.ī kā charchā maar Dālegā

judā.ī kā tabhī mafhūm samjhā
lage jab chhūTne dil ke pasīne

'valī' vasl-o-judā.ī suuñ sajan kī
kabhū sahrā kabhū gulzār haiñ ham

silsila to kar qāsid us talak rasā.ī kā
dukh sahā nahīñ jaatā yaar kī judā.ī kā

maiñ ne samjhā thā ki lauT aate haiñ jaane vaale
tū ne jā kar to judā.ī mirī qismat kar dī

dukh judā.ī ke ḳhvāb ho jaa.eñ
dard saare gulāb ho jaa.eñ

kiyā hai kyuuñ 'bahr' se kinārā tirī judā.ī ne mujh ko maarā
are but-e-sañg-dil ḳhudā-rā bulā le mujh ko bhī to jahāñ hai