Tags-Judai

aah milte hī phir judā.ī kī
vaah kyā ḳhuub āshnā.ī kī

kyā mukammal hai judā.ī ki bichhaḌ jaane ke ba.ad
tujh se milne kā bahānā bhī nahīñ chhoḌtī hai

shab-e-visāl meñ bhī merī jaan ko ārām
azīzo dard-e-judā.ī ke Dar se kuchh na huā

judā.ī kis tarah bartāv ham logoñ se kartī hai
mizājan ham-suḳhnavar be-dil-o-be-zār kaise haiñ

kisī ke dard-e-judā.ī ne ham ko jiite jī
misāl-e-abr-e-siyah ashk-bār hī rakkhā

ye kis kā zahr-e-judā.ī lahū meñ tairtā hai
hameñ to kuchh bhī nahīñ yaad kab judā hue ham

ye rūh-o-tan kī judā.ī kā marsiya kab tak
vahī do-rañgī-e-lail-o-nahār baaqī hai

ḳhat meñ likkhā huā aa.egā judā.ī kā payām
ḳhvāb meñ ḳhat ke hue harf judā aap hī aap

hai terī judā.ī aur maiñ huuñ
milte hī kahīñ bichhaḌ gayā tū

fariyād kar rahā huuñ judā.ī ke dasht meñ
koī nahīñ sharīk-e-ġham-e-yār ishq meñ

koī bhar degā apnī qurbatoñ se
koī zaḳhm-e-judā.ī de rahā hai

haath uThā baiThe ham is zindagī-e-shīrīñ se
ġham judā.ī kā ye thā talḳh ki khāyā na gayā

kabhī kabhī to ye dil meñ savāl uThtā hai
ki is judā.ī meñ kyā us ne pā liyā hogā

shab-ba-ḳhair us ne kahā thā ki sitāre larze
ham na bhūleñge judā.ī kā vo hañgām kabhī

khiñchā jo tūl-e-shab-e-judā.ī añdherī madfan kī yaad aa.ī
nigāh o dil par vo yaas chhā.ī umiid jaatī rahī sahar kī

aap jo merī jaañ haiñ maiñ dil huuñ
mujh se kaise judā.ī karte haiñ

hālat-e-vasl meñ bhī ham donoñ
lamha lamha judā.ī karte haiñ

mere haath par likh do
faisla judā.ī kā

tamām ḳhvāb mirī zindagī ke bah nikle
tirī judā.ī meñ ashkoñ kī is ravānī meñ

vo ham nahīñ jinheñ sahnā ye jabr aa jaatā
tirī judā.ī meñ kis tarah sabr aa jaatā