Tags-Judai

ai dost judā.ī meñ terī kuchh aise bhī lamhe aate haiñ
sejoñ pe bhī taḌpā kartā huuñ kāñToñ pe bhī rāhat hotī hai

mujhe naved-e-judā.ī sunāne aayā thā
judā huā to mirī samt dekhtā bhī gayā

kisī taqrīb-e-judā.ī ke baġhair
Thiik hai jaao agar jaanā hai

ḳhaak maiñ us kī judā.ī meñ pareshān phirūñ
jab ki ye milnā bichhaḌnā mirī marzī niklā

judā.ī meñ na aanā thā na aa.ī
mujhe zālim qazā ne maar Daalā

kyuuñ na ro.uuñ tirī judā.ī meñ
din guzāre haiñ tere paas bahut

kyuuñ judā.ī ke mah-o-sāl meñ badle tū ne
aa mohabbat ke vahī shām-o-sahar DhūñDte haiñ

yārab na rahe naam judā.ī ki rah-e-ishq
āsān thī par us ne hī dushvār bahut kī

ye zaḳhm judā.ī ke kabhī silne nahīñ haiñ
tū jaan le apnī yahī taqdīr hai jānāñ

bahan kā pyaar judā.ī se kam nahīñ hotā
agar vo duur bhī jaa.e to ġham nahīñ hotā

mirī taraf se ijāzat hai dekh lo ḳhud hī
kahīñ judā.ī kī sūrat agar nikaltī hai

mujhe hijāb nahīñ bosa-e-judā.ī se
magar laboñ ke piyāle meñ pyaas bhar ke na jā

charāġhte haiñ kisī nazm ke ghane abrū
kisī ġhazal kī judā.ī meñ mar ke dekhte haiñ

badal sakā na judā.ī ke ġham uThā kar bhī
ki maiñ to maiñ hī rahā tujh se duur jā kar bhī

mirī jaañ judā.ī na hogī to hogī
kisī din laḌā.ī na hogī to hogī

go rañj-e-judā.ī hai dil par be-vaqt hai ye daur-e-sāġhar
baiThe haiñ 'habīb' ahbāb magar ab tum bhī kah do ḳhair chale

ye qurb kyā hai ki tū sāmne hai aur hameñ
shumār abhī se judā.ī kī sā.ateñ karnī

ye vasl kī rut hai ki judā.ī kā hai mausam
ye gulshan-e-dil hai ki bayābān kahīñ kā

mujh ko vahshat huī mire ghar se
raat terī judā.ī ke Dar se

din to 'nāsiḳh' ke ba-har-hāl guzar jaate haiñ
par judā.ī meñ bahut laatī haiñ ḳhvārī bāteñ