Tags-Judai

jis se ehsās kī sadiyāñ guzrīñ
thā judā.ī kā vo ik pal kaisā

visāl-rut kī kamā.ī samajh meñ aane lagī
judā hue to judā.ī samajh meñ aane lagī

vo añdherā thā ki hañgām-e-sahar bhī ham se
sham-e-andoh-e-judā.ī ko bujhāyā na gayā

zāhir hai mulāqāt hai bātin meñ judā.ī
tum milte ho dil ham se tumhārā nahīñ miltā

ye haul-nāk ḳhamoshī judā.ī kā āshob
maiñ sochtā huuñ ki yūñhī rahā to kyā hogā

kabhī kabhī to ye dil meñ savāl uThtā hai
ki is judā.ī meñ kyā us ne pā liyā hogā

vaqt-e-judā.ī thā bas ye itmīnān mujh ko
achchhā huā jo koī va.ada kyā nahīñ thā

aaj tak yaad hai vo shām-e-judā.ī kā samāñ
terī āvāz kī larzish tire lahje kī thakan

ātish-e-tez judā.ī meñ yakāyak us bin
dil jalā yuuñ ki tanik jī bhī jalāyā na gayā

koī to baat aisī thī
judā.ī kā sabab Thahrī

gavārā hī na thī jin ko judā.ī merī dam-bhar kī
unhīñ se aaj merī shakl pahchānī nahīñ jaatī

lamhe terī judā.ī ke
hisse haiñ tanhā.ī ke

kaaT hī leñge judā.ī kā zamāna ham to
dekhiye kaise guzarte haiñ mah o saal us ke

durust hai ki judā.ī meñ maut aa jaa.e
magar ye kyā ki ḳhafā ho ke zinda rahnā hai

shab ko rahne do yuuñ hī shām-o-sahar kā paivand
Dar ke zulmāt se buniyād-e-judā.ī na rakho

bargashta-nasīb kā yuuñ honā sonā bhī to ik karvaT sonā
kab tak ye judā.ī kā ronā tum aur kahīñ ham aur kahīñ

tum kah rahe ho hijr meñ martā nahīñ koī
phir kyoñ ġham-e-judā.ī meñ vo hañs mar gayā

phir us ke ba.ad ka.ī log mil ke bichhḌe haiñ
kisī judā.ī kā dil par asar nahīñ hotā

vaqt ne judā.ī ke zaḳhm bhar diye lekin
zaḳhm kī kahānī bhī vaqt kā hī pherā hai

na koī din na koī raat intizār kī hai
ki ye judā.ī bharose kī e'tibār kī hai