Tags-Judai

hañste hañste vo judā.ī ko bhī sah jā.egā
zinda rah pā.eñge lekin mire jaise kaise

dil ke nagar meñ chaar taraf jab ġham kī duhā.ī baiTh ga.ī
sar pe hamāre dast-e-qazā se teġh-e-judā.ī baiTh ga.ī

saare āsār haiñ judā.ī ke
surma.ī shaam hai suhānī vahī

ḳhizāñ-mizāj hai vo chhoḌ do use 'ḳhāvar'
vo mausamoñ ke safar meñ judā.ī detā hai

qurb meñ jab anā kī duurī ho
koī kyuuñ ḳhvāhish-e-judā.ī kare

ab āñkhoñ se nahīñ hāthoñ se chhūnā chāhtā huuñ
mujhe vo vasl-āmeza judā.ī kyuuñ nahīñ detā

jab apne pairahan se ḳhushbū tumhārī aa.ī
ghabrā ke bhuul baiThe ham shikva-e-judā.ī

har ghaḌī ek judā ġham hai judā.ī us kī
ġham kī mī.ād bhī vo le gayā jaate jaate

fuġhān-o-āh se paidā kiyā dard-e-judā.ī ko
ġhazab meñ jaan ko Daalā jatā kar āshnā.ī ko

judā.ī kab rahī mumkin kisī hālat koī sūrat
mujhe mahfil ho tanhā.ī tirā ġham DhūñD letā hai

faqīr-e-mast tire hāl-e-vasl kyā jāneñ
ki oḌhe baiThe haiñ kamlī shab-e-judā.ī kī

jo zulm chāhe rakh dil-e-'ranjūr' par ravā
de tū magar use na judā.ī kā yaar daaġh

marhala koī judā.ī kā jo darpesh huā
to tabassum kī ridā ġham ko uḌhā lī maiñ ne

tirī judā.ī kā manzar bayāñ nahīñ hogā
maiñ apnā saaya bhī rakkhūñ agar judā kar ke

dam-e-judā.ī vo maryam salīb kī mānind
mire gale se baḌī der tak laTaktī rahī

faisla us ne judā.ī kā sunāyā to lagā
jaise sahrā meñ koī pyaas meñ haarā paanī

is se huī furqat na huī in meñ judā.ī
ai 'bahr' mujhe apne tan-o-jāñ se gilā hai

ahd-e-vafā hai aur bhī mohkam terī judā.ī ke maiñ qurbāñ
terī judā.ī ke maiñ qurbāñ ahd-e-vafā hai aur bhī mohkam

jis kī āñkhoñ meñ kaTī thiiñ sadiyāñ
us ne sadiyoñ kī judā.ī dī hai

tire ḳhayāl ko bhī fursat-e-ḳhayāl nahīñ
judā.ī hijr nahīñ hai milan visāl nahīñ