Tags-Justaju

usī 'iqbāl' kī maiñ justujū kartā rahā barsoñ
baḌī muddat ke baad āḳhir vo shāhīñ zer-e-dām aayā

dafn hai raakh ke ambār tale azm kī laash
justujū us kī kare aaj kise fursat hai

masāfat-e-umr meñ ziyāñ kā hisāb hotā hai justujū se
magar maiñ duniyā ko dekhtā huuñ charāġh aur aa.ine kī rū se

jalve betāb aur nazar bechain
naam donoñ kā justujū hai abhī

muskurā leñ haqīqateñ mujh par
naqsh-e-bātil kī justujū hai abhī

dil pashemān-e-justujū hai abhī
khoī khoī sī aarzū hai abhī

mire shauq-e-justujū kā kise e'tibār hotā
sar-e-rāh manziloñ tak na agar ġhubār hotā

jitnā bahtā gayā zindagī kā lahū aur hote ga.e hausle surḳh-rū
sahl hotī ga.ī manzil-e-justujū rāste aur hamvār bante ga.e

sub.h-e-justujū hai tū
shām-e-ārzū hai tū

apne maazī kī justujū meñ bahār
piile patte talāsh kartī hai

jo is zamīñ se kabhī phir numū karūñgā maiñ
to chehra chehra tirī justujū karūñgā maiñ

jis husn kī hai chashm-e-tamannā ko justujū
vo āftāb meñ hai na hai māhtāb meñ

ḳhud se milne kī justujū tum ho
jis pe martā huuñ ḳhūb-rū tum ho

kyuuñ us kī justujū kā ho saudā mujhe 'ratan'
mujh se agar judā ho to DhūñDūñ ḳhudā ko maiñ

tū sarhad-e-ḳhayāl se aage guzar gayā
maiñ terī justujū meñ ba-hadd-e-nazar gayā

usī kī justujū aksar udaas kartī hai
vo ik jahāñ jo hai har jahān se bāhar

jab se masarratoñ kī huī justujū mujhe
maiñ bhī udaas huuñ mirā dil bhī udaas hai

mujhe ye motī samundar yuuñ hī nahīñ detā
vo mere hausle bhī justujū bhī dekhtā hai

ai merī āñkho ye be-sūd justujū kaisī
jo ḳhvāb ḳhvāb rahīñ un kī aarzū kaisī