Tags-Abroo

khiñchī kañghī guñdhī choTī jamī paTTī lagā kājal
kamāñ-abrū nazar jaadū nigah har ik dulārī hai

ḳham-e-abru dikhā diyā kis ne
ka.aba-e-dil girā diyā kis ne

abrū ke mahv ka.abe meñ sūrat ke dair meñ
ushshāq ruḳh kā silsila nūr-o-ziyā meñ hai

kis darja sakūñ-numā haiñ abrū ke hilāl
ḳhair o barkat ke dhan luTātī huī chaal

mehrāb-e-ibādat ḳham-e-abru hai butoñ kā
kar baiThe haiñ ka.abe ko musalmān farāmosh

ishāra ḳhanjar-e-abrū kā bas thā
mujhe maarā abas teġh-e-jafā se

dil ko abrū haiñ pasand aañkh ko chashm-e-mai-gūñ
koī duniyā meñ hilālī hai koī jaamī hai

qaus-e-quzah se ham ne bhī tashbīh dī use
chilla na hone se jo vo abrū kamāñ na thī

mere nāḳhūnoñ meñ maiñ tujh se kiye chaar abrū
apnī kyā teġh se har dam tū Darātā hai mujhe

āñkhoñ meñ phire hai juuñ mah-e-īd
abrū kā tire hilāl din raat

tasavvur meñ abrū ke jo mar gayā huuñ
pas-e-marg ka.aba mire rū-ba-rū hai

uqda to nāznīñ ke abrū kā ham ne kholā
ab kholnā hai us kī ḳhātir kī gul-jhaḌī kā

har-dam vo mujh ko dekh ke abrū chaḌhāte haiñ
pyāsā hai ḳhanjar un kā mire ḳhūn-e-nāb kā

abrū pe Daal kar bal tirchhī nazar na kar tū
ye tiir kaj paḌegā bāñkī kamān vaale

yuuñ khule bāzūoñ se baġhal-gīr ushn ke abrū ḳhamīda hue to usī pal meñ ḳhushkī tarī ke sabhī fāsle miT ga.e
arsh vaale farishte muḳhātab hue vo jo naa.eb the ulTe qadam ho liye aaj kī shab sunā hai ki naqqārchī sab

jumbish-e-abrū ne alfāz kī zahmat bhī na dī
nīm-vā āñkhoñ meñ ik dāvat-e-ḳhāmosh liye

mahv-e-abrū ke liye ḳhanjar-e-faulād aayā
zab.h karnā bhī na tujh ko mire jallād aayā

abrū to dikhā dījiye shamshīr se pahle
taqsīr to kuchh ho mirī tāzīr se pahle

jauhar-e-zātī haiñ us kī teziyāñ ai sañg-dil
teġh-e-abrū ko tirī sañg-e-fasāñ se kyā ġharz

un kī ik abrū kī jumbish bhī suḳhan-var hai bahut
hai zabāñ bhī un ke muñh meñ mudda.ā kahne ko haiñ