Tags-Abroo

abrū hī kī jumbish ne ye suthrāo kiye haiñ
maarā nahīñ un ne koī talvār se ab tak

gardish meñ hai chashm zer-e-abrū
kyā nīmcha charḳh par chaḌhā hai

chashm-e-jānāñ kā ro.ab abrū hai
teġh se saulat-e-sipāhī hai

galā maiñ kaaT luuñ ḳhud ik ishāra ho jo abrū kā
vo kyuuñ mere liye khīñche hue talvār baiThe haiñ

barābar ek se misra.a nazar aate haiñ abrū ke
tavārud kahiye yā hai ek meñ mazmūn chorī kā

yaad aa.ī tāq-e-bait-ul-lāh meñ
bait-e-abrū us but-e-dil-ḳhvāh kī

baat sīdhī kī jo thā mazkūr-e-qad
zikr-e-abrū meñ diyā TeḌhā javāb

kah ke ik misra.a mah-e-nau rah gayā
ho sakā kab bait-e-abrū kā javāb

chashm-o-abrū par nahīñ mauqūf kuchh
jān-e-man dil jis kā aTkā lag gayā

ḳham-e-abru kī yaad siiñ dil par
zaḳhm-e-nāḳhun hilāl hotā hai

karo na ġhusse se laal chehrā bhavoñ meñ Daalo na bal ḳhudārā
nahīñ majāl-e-jalāl-e-abrū nahīñ hai tāb-e-itāb-e-āriz

chhiḌā thā bazm meñ kal tazkira mizhgān-o-abrū kā
baḌhī kuchh is qadar teġh-o-sināñ tak baat jā pahuñchī

ye tane tane abrū ye harā-bharā chehrā
ham ne qahr sī lazzat pyaar meñ nahīñ paa.ī

kise niiñd aatī hai ai sanam tire tāq-e-abrū kī yaad meñ
kabhī ā.shnā-e-tah-e-baġhal sar-e-murġh-e-qibla-numā nahīñ

jis ke kushte haiñ zinda-e-jāved
vo tumhārī hī teġh-e-abrū hai

jidhar dekhā hazāroñ zindagī se haath dho baiThe
tire abrū ko teġh-e-saf-shikan kahnā hī paḌtā hai

mizha se us kamāñ-abrū kī bachnā
vo nāvak hai kaleja chhān degā

tirī shamshīr-e-abrū siiñ hue sanmukh va illā na
ajal kī teġh siiñ jyuuñ aarā dandāne hue hote

paiġhāmbar ishāra-e-abrū se mar gayā
phir jī uThegā lab bhī hilā do javāb meñ

kyā ġhazab bhī vo jumbish-e-abrū
saaf jis ne ki nīmchā maarā