Tags-Abroo

hadaf-e-nāvik-e-mizgān-o-kamāñ abrū thā
na taḌaptā shab-e-furqat dil-e-bismil kyūñkar

yā falak kī aarsī meñ hai hilāl
yā kisī kā aks-e-abrū bolnāñ

vo duzdīda nigāheñ hoñ ki ḳhanjar-āzmā abrū
mohabbat kī har ik manzil pe rahzan paa.e jaate haiñ

ruḳhsār-o-lab-o-gesū-o-abrū ke jahāñ meñ
har gaam pe ik hashr bapā mere liye hai

na jā us kī taraf tū aaj 'hātim'
vahāñ shamshīr-e-abrū bag rahī hai

mujh se muḌne kī niiñ kisī rū se
chashm rakhtā huuñ terī abrū se

aa gayā kaabe meñ jab mehrāb-e-abrū kā ḳhayāl
baiTh kar 'taslīm'-e-ḳhasta qibla-rū rone lagā

be-jumbish-e-abrū to nahīñ kaam chalegā
aa kar mire qisse meñ tirā naam chalegā

vo chiin ḳhud-rav kaTīle abrū vo chashm jaadū nigāheñ aahū
vo palkeñ kaj-ḳhū ki jin kā har mū jigar ke andar khaTak rahā hai

mehrāb-e-ibādat ḳham-e-abru hai butoñ kā
kar baiThe haiñ ka.abe ko musalmān farāmosh

darañg ik dam nahīñ lāzim judā.ī siiñ phaḌaktā hai
kaho jā kar ḳhush-abrū kuuñ ki 'yakrū' kan shitāb aave

abrū se hai kyā us nigah-e-nāz ko paivand
hai tiir muqarrar magar is kī hai kamāñ aur

abrū āñchal meñ dupaTTe ke chhupānā hai bajā
turk kyā myaan meñ rakhte nahīñ talvāroñ ko

nigah Tuk abrū-o-chashm-e-butāñ par kījiyo zāhid
ki ye mehrāb-e-masjid ke tale mai-ḳhāna rakhte haiñ

zindagī khiñch ga.ī mujh se tire abrū kī tarah
apne hī ḳhuun kā pyāsā huuñ lab-e-jū kī tarah

zulf-o-āriz chashm-o-abrū ḳhāl-o-ḳhat
dil nahīñ bachtā inhīñ do-chār se

teġh-e-abrū kā jo bosa de to de
varna zālim qatl kar talvār se

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

kaafī hai ik ishāra-e-abrū tirā hameñ
kuchh āshiqoñ ke qatl ko shamshīr shart hai

kahīñ māh-ruḳh se uThā jvār-bhāTā
kahīñ teġh-e-abrū ne aafat machā dī