Collections

Lab Shayari

Motivational Ghazals

Best Khamoshi Shayari

More Collections

Tags-Khafa

tumhāre ba.ad baḌā farq aa gayā ham meñ
tumhāre ba.ad kisī par ḳhafā nahīñ hue ham

faraaz-e-ishq teri intiha nahin hue hum

pahle itnā na parāganda mizāj-e-dil thā
be-sabab hañsnā to be-vajah ḳhafā ho jaanā

humne dekha hai mohabbat ka saza ho jaana

ḳhud apne aap se rūThā huā huuñ
samajhte haiñ vo maiñ un se ḳhafā huuñ

KHud apne aap se ruTha hua hun

merī betābiyoñ se ghabrā kar
koī mujh se ḳhafā na ho jaa.e

meri betabiyon se ghabra kar

uThe aaj un se faisla kar ke
yā ḳhafā ho ke yā ḳhafā kar ke

uThe aaj un se faisla kar ke

ḳhudā ḳhafā hai to sachche haiñ nāsehān-e-azīz
hamāre lab pe kabhī shikva-e-butāñ bhī to ho

ye arz-e-shauq hai aaraish-e-bayan bhi to ho

mālūm hai vo mujh se ḳhafā hai bhī nahīñ bhī
mere liye hoñToñ pe duā hai bhī nahīñ bhī

malum hai wo mujhse KHafa hai bhi nahin bhi

haath phailā.e the tum ne mujh ko tanhā dekh kar
ab ḳhafā hote ho kyuuñ zaḳhm-e-tamannā dekh kar

hath phailae the tumne mujhko tanha dekh kar

ḳhafā tum se zarā sī der ko ik roz ho baiThā
tumhārī aañkh meñ utrī namī bharpūr hone tak

mohabbat ke taaqub mein thakan se chur hone tak

go dil meñ ḳhafā hai tū par is baat ko nādāñ
kah baiThiyo mat āshiq-e-dil-gīr ke muñh par

go dil mein KHafa hai tu par is baat ko nadan

raazī hoñ yā ḳhafā hoñ vo jo kuchh bhī hoñ 'shakīl'
har haal meñ qubūl hai un kī ḳhushī mujhe

ab to KHushi ka gham hai na gham ki KHushi mujhe

be-sabab baat baḌhāne kī zarūrat kyā hai
ham ḳhafā kab the manāne kī zarūrat kyā hai

be-sabab baat baDhane ki zarurat kya hai

nek nāmoñ kā ho majma.a bazm ho ārāsta
aap ḳhush hoñ yā ḳhafā hoñ ek badnām aa.egā

dil hamara jaanib-e-zulf-e-siyah-fam aaega

bayāñ karūñ to sahī un kī dāstān-e-sitam
vo ho ga.e use san kar ḳhafā to kyā hogā

wo nam zahr ka rakh den dawa to kya hoga

is e'tibār se vo zūd-ranj achchhā hai
ḳhafā bhī ho to mire saath saath rahtā hai

is etibar se wo zud-ranj achchha hai

koī mujh se ḳhafā nahīñ hotā
tum mire dost ho purāne par

ek faqat uske ruTh jaane par

kaTe jo tīrgi-e-shām-e-ġham to kaise 'shamīm'
ḳhafā ḳhafā sī kisī ke ḳhayāl kī zau hai

chaman chaman jo ye subh-e-bahaar ki zau hai

tum mil ga.e to koī gila ab nahīñ rahā
maiñ apnī zindagī se ḳhafā ab nahīñ rahā

tum mil gae to koi gila ab nahin raha

shaam ko der se pahuñchūñ to lagtā hai ḳhafā mujh se
mujh se bahut barham ho aisī ghāteñ kartā hai

jag ke mere sath samundar raaten karta hai

dil jab se tire hijr meñ bīmār paḌā hai
jiine se ḳhafā jaan se be-zār paḌā hai

dil jab se tere hijr mein bimar paDa hai